Foto: Polisia.kz
Ishki ister ministrligi esirtkiniń zańsyz ainalymyna qarsy baǵyttalǵan “Qarasora-2025” respýblikalyq is-sharasynyń nátijelerin jariialady, dep habarlaidy Ult.kz.
Maýsym men qazan ailary aralyǵynda politsiia, Ulttyq ulan jáne Qorǵanys ministrliginiń qyzmetkerleri birlesip jumys istegen. Operatsiia barysynda tikushaqtar, drondar jáne spýtniktik koordinatalar qoldanylǵan.
Ministrlik derekterine sáikes:
-
3,5 myńnan astam esirtkige qatysty quqyqbuzýshylyq anyqtaldy;
-
27 tonnadan astam esirtki tárkilendi;
-
quramynda esirtki bar ósimdikterdiń 110 myńnan astam túbi joiyldy;
-
4 uiymdasqan qylmystyq top, onyń ishinde bir transulttyq top áshkerelendi;
-
6 esirtki zerthanasy joiyldy;
-
esirtki jetkizýdiń 50 ishki arnasy jabyldy.
Óńirlerdegi naqty nátijelerdiń birqatary:
-
Jambyl oblysynda 200 keliden astam marihýana tárkilendi;
-
Almaty áýejaiynda Úndistan azamaty 3 keli marihýanamen ustaldy;
-
Jezqazǵanda 100 keli marihýana tárkilendi;
-
Qyzylorda oblysynda 300 keli salmaqqa teń 928 túp qarasora anyqtaldy.
Ministrlik “Zań men tártip” qaǵidaty aiasynda azamattardyń densaýlyǵyn qorǵaý jáne qoǵamdyq qaýipsizdikti nyǵaitý baǵytynda júieli jumysty jalǵastyratynyn atap ótti. Vedomstvo málimetinshe, esirtki jolyna túsken ár adam jazaǵa tartylatynyn anyq túsinýi tiis.
