«Mudarabah Capital» qarjy priamidasyna qatysty iste qatysýshylardyń sany óte kóp. Bul jaiynda QR Ishki ister ministrliginen málim etti, dep habarlaidy QazAqparat.
«Tergeýdiń uzaqqa sozylýy óte kóp kólemdegi qarjylyq jáne ózge de qujattardy saraptaý qajettigine, birqatar sot saraptamasyn taǵaiyndaý jáne júrgizýge bailanysty bolyp otyr. Buǵan qosa tergeý júrgizý qajettigi bar protseske qatysýshylar sanynyń kóptigi de áser etedi», - dep atap ótti IIM baspasóz qyzmeti redaktsiianyń saýalyna bergen jaýabynda.
Sonymen qatar vedomstvo Almaty qalalyq politsiia departamenti QR QK 217-babynyń 3-tarmaǵy boiynsha sotqa deiingi tergeý amaldaryn júrgizip jatqanyn málimdedi.
Tergeý aiasynda 14 adam qylmystyq jaýapkershilikke tartylǵan.
Qazirgi ýaqytta onyń 10-y tutqynǵa alynyp, ekeýine kepil jáne eshqaida ketpeý týraly qolhat túrindegi bultartpaý sharasy qabyldanǵan. Taǵy eki adamǵa halyqaralyq izdeý jariialanyp otyr. Kúdiktilerge qatysty sharalar Qylmystyq is júrgizý kodeksiniń 139-baby talaptaryn saqtai otyryp qabyldanǵan.
Tergeý organy azamattyq talap úkiminiń oryndalýyn, ózge múlikterdi óndirip alý nemese múlikti tárkileý múmkindigin qamtamasyz etý maqsatynda kúdiktilerdiń «ASTEX.KZ» jáne «ACD technology» JShS-degi múlkin buǵattady.
