«Mudarabah Capital» قارجى پرياميداسىنا قاتىستى ٸستە قاتىسۋشىلاردىڭ سانى ٶتە كٶپ. بۇل جايىندا قر ٸشكٸ ٸستەر مينيسترلٸگٸنەن مەلٸم ەتتٸ, دەپ حابارلايدى قازاقپارات.
«تەرگەۋدٸڭ ۇزاققا سوزىلۋى ٶتە كٶپ كٶلەمدەگٸ قارجىلىق جەنە ٶزگە دە قۇجاتتاردى ساراپتاۋ قاجەتتٸگٸنە, بٸرقاتار سوت ساراپتاماسىن تاعايىنداۋ جەنە جٷرگٸزۋگە بايلانىستى بولىپ وتىر. بۇعان قوسا تەرگەۋ جٷرگٸزۋ قاجەتتٸگٸ بار پروتسەسكە قاتىسۋشىلار سانىنىڭ كٶپتٸگٸ دە ەسەر ەتەدٸ», - دەپ اتاپ ٶتتٸ ٸٸم باسپاسٶز قىزمەتٸ رەداكتسييانىڭ ساۋالىنا بەرگەن جاۋابىندا.
سونىمەن قاتار ۆەدومستۆو الماتى قالالىق پوليتسييا دەپارتامەنتٸ قر قك 217-بابىنىڭ 3-تارماعى بويىنشا سوتقا دەيٸنگٸ تەرگەۋ امالدارىن جٷرگٸزٸپ جاتقانىن مەلٸمدەدٸ.
تەرگەۋ اياسىندا 14 ادام قىلمىستىق جاۋاپكەرشٸلٸككە تارتىلعان.
قازٸرگٸ ۋاقىتتا ونىڭ 10-ى تۇتقىنعا الىنىپ, ەكەۋٸنە كەپٸل جەنە ەشقايدا كەتپەۋ تۋرالى قولحات تٷرٸندەگٸ بۇلتارتپاۋ شاراسى قابىلدانعان. تاعى ەكٸ ادامعا حالىقارالىق ٸزدەۋ جارييالانىپ وتىر. كٷدٸكتٸلەرگە قاتىستى شارالار قىلمىستىق ٸس جٷرگٸزۋ كودەكسٸنٸڭ 139-بابى تالاپتارىن ساقتاي وتىرىپ قابىلدانعان.
تەرگەۋ ورگانى ازاماتتىق تالاپ ٷكٸمٸنٸڭ ورىندالۋىن, ٶزگە مٷلٸكتەردٸ ٶندٸرٸپ الۋ نەمەسە مٷلٸكتٸ تەركٸلەۋ مٷمكٸندٸگٸن قامتاماسىز ەتۋ ماقساتىندا كٷدٸكتٸلەردٸڭ «ASTEX.KZ» جەنە «ACD technology» جشس-دەگٸ مٷلكٸن بۇعاتتادى.
