Foto: ashyq derekkóz
IIM habarlaýynsha, sońǵy bes jylda páter urlyǵy 14 myńnan 6 myń derekke deiin, iaǵni eki jarym esedei azaidy. Jyl basynan beri páter urlyǵynyń tirkelýi 30%-ǵa tómendedi, dep habarlaidy Ult.kz.
Ailaker urylardyń qylmystyq áreketiniń jolyn kesý boiynsha sharalar turaqty negizde júrgiziledi.
"Almatyda kriminaldyq politsiia qyzmetkerleri páter urlyǵymen ainalysqan qylmystyq topty ustady. Top quramynda úsh adam bolǵan. Aldyn ala málimet boiynsha shyǵyn 10 mln teńge, - dedi IIM kriminaldyq politsiia departamentiniń bastyǵy Qanat Nurmaǵambetov.
Qazirgi ýaqytta bul derek boiynsha sotqa deiingi tergeý júrgizilýde. 2025 jyldyń úsh aiynda el boiynsha páter urlyǵyn jasaǵany úshin 25 qylmystyq top ustaldy.
Urlyqqa jol bermeý úshin IIM qarapaiym ári tiimdi qaýipsizdik sharalaryn usynady: esikke sapaly qulyp, terezelerge torlar ornatyp, dabyl júiesi men beinebaqylaý kameralarynyń múmkindikterin qoldanýǵa bolady. Áleýmettik jelilerde qolda bar aqsha jinaqtary men zergerlik buiymdar, materialdyq qundylyqtar jáne olardy saqtaý oryndary týraly aqparatty jariialamaǵan abzal.
