Ishki ister ministrligi vedomstvolyq joǵary oqý oryndaryna qabyldanǵany týraly tarap jatqan SMS-habarlamalardyń jalǵan ekenin málimdedi, dep habarlaidy ult.kz.
Ministrliktiń habarlaýynsha, mundai habarlamalardyń IIM-ge eshqandai qatysy joq jáne olar azamattardy jańylystyrý maqsatynda taratylýda.
Qazir vedomstvolyq bilim berý uiymdaryna qabyldaý naýqany áli aiaqtalǵan joq. Qabyldaý belgilengen kestege sáikes 15–25 shilde aralyǵynda júrgiziledi, al konkýrstyq irikteýdiń barlyq kezeńi tolyq aiaqtalǵannan keiin ǵana qabyldaý komissiialary túpkilikti sheshim shyǵarady.
IIM málimetinshe, qabyldaý nátijeleri talapkerlerdiń "Qyzmet police" aqparattyq júiesindegi jeke kabinetterinde jariialanady. Sonymen qatar vedomstvo bul júie talapkerlerge oqýǵa qabyldanǵany týraly SMS-habarlamalar jibermeitinin erekshe atap ótti.
Osyǵan bailanysty ministrlik azamattardy kúmándi habarlamalarǵa senbeýge, ondaǵy siltemelerge ótpeýge, jeke málimetterin eshkimge bermeýge jáne tek IIM-niń resmi aqparattaryna ǵana súienýge shaqyrdy.
