Foto: Polisia.kz
Ishki ister ministrligi Shymkentte munai óńdeý zaýytynyń aýmaǵynan munai ónimderin urlaý shemasyn anyqtap, jolyn kesti, dep habarlaidy Ult.kz.
7 qańtarda Shymkent qalasynyń politsiia departamenti jedel is-sharalar nátijesinde janar-jaǵarmai materialdaryn zańsyz shyǵarý arnasyn uiymdastyrǵan adamdar tobyn ustady.
Qylmystyq shemaǵa munai óńdeý zaýytymen bailanysty kásiporyndardyń biriniń qyzmetkerleri tartylyp, olar megapolis turǵyndarymen sóz bailasqan.
Urlanǵan otyndy qylmystyq shemany uiymdastyrýshylarǵa tiesili birneshe bazanyń aýmaǵynda saqtaý jáne satý faktileri anyqtaldy. Qarajattyń kóleńkeli ainalymy 1 milliard teńgeden asady.
Tintý kezinde úlken kólemde aqsha, 17 tonnadan astam janar-jaǵarmai, otyndy saqtaý jáne aidaý quraldary, sondai-aq birneshe avtokólik tsisternasy tárkilendi.
Barlyq kúdikti ustalyp, asa iri kólemde urlyq faktisi boiynsha tergeý júrgizilip jatyr.
Qylmystyq is aiasynda Shymkent munai óńdeý zaýyty qyzmetkerleriniń qylmysqa, onyń ishinde kontrabandaǵa qatysy bar-joǵy tekserilip jatyr.
Bul baǵyttaǵy jumys jalǵasady.
