Foto: Platon.asia
Qazaqstan Ishki ister ministrligi Esirtki qylmysyna qarsy is-qimyl komitetiniń tóraǵasy Daniiar Meiirhan qatysty stalking deregi boiynsha qozǵalǵan qylmystyq istiń toqtatylǵanyn málimdedi, dep habarlaidy Ult.kz.
Bul týraly IIM basshysynyń orynbasary Sanjar Ádilov Parlament Májilisinde jýrnalisterdiń suraǵyna jaýap berý barysynda aitty. Onyń sózinshe, Qylmystyq kodekstiń 115-baby 1-bóligi boiynsha tirkelgen is aiasyndaǵy tergeý aiaqtalyp, is toqtatylǵan.
Sonymen qatar, Ádilov qazirgi ýaqytta sotta Meiirhanǵa qatysty jeke aiyptaý tártibimen berilgen materialdar qaralyp jatqanyn atap ótti.
Eske salaiyq, buǵan deiin áleýmettik jelilerde Astanada komitet tóraǵasyna qarsy qylmystyq is qozǵalǵany týraly aqparat taraǵan edi. Onda Meiirhanǵa qyzmettik ókilettigin asyra paidalaný jáne qyzmetkerlerdi qýdalaý boiynsha kúdik keltirilgeni aityldy. Sondai-aq, oǵan qarsy 20-ǵa jýyq baǵynyshty qyzmetker ujymdyq shaǵym túsirgeni habarlanǵan.
Keiin IIM ókilderi bul aqparatqa qatysty túsinikteme berip, resmi málimdeme jasaǵan bolatyn.
