فوتو: Platon.asia
قازاقستان ٸشكٸ ٸستەر مينيسترلٸگٸ ەسٸرتكٸ قىلمىسىنا قارسى ٸس-قيمىل كوميتەتٸنٸڭ تٶراعاسى دانييار مەيٸرحان قاتىستى ستالكينگ دەرەگٸ بويىنشا قوزعالعان قىلمىستىق ٸستٸڭ توقتاتىلعانىن مەلٸمدەدٸ, دەپ حابارلايدى Ult.kz.
بۇل تۋرالى ٸٸم باسشىسىنىڭ ورىنباسارى سانجار ەدٸلوۆ پارلامەنت مەجٸلٸسٸندە جۋرناليستەردٸڭ سۇراعىنا جاۋاپ بەرۋ بارىسىندا ايتتى. ونىڭ سٶزٸنشە, قىلمىستىق كودەكستٸڭ 115-بابى 1-بٶلٸگٸ بويىنشا تٸركەلگەن ٸس اياسىنداعى تەرگەۋ اياقتالىپ, ٸس توقتاتىلعان.
سونىمەن قاتار, ەدٸلوۆ قازٸرگٸ ۋاقىتتا سوتتا مەيٸرحانعا قاتىستى جەكە ايىپتاۋ تەرتٸبٸمەن بەرٸلگەن ماتەريالدار قارالىپ جاتقانىن اتاپ ٶتتٸ.
ەسكە سالايىق, بۇعان دەيٸن ەلەۋمەتتٸك جەلٸلەردە استانادا كوميتەت تٶراعاسىنا قارسى قىلمىستىق ٸس قوزعالعانى تۋرالى اقپارات تاراعان ەدٸ. وندا مەيٸرحانعا قىزمەتتٸك ٶكٸلەتتٸگٸن اسىرا پايدالانۋ جەنە قىزمەتكەرلەردٸ قۋدالاۋ بويىنشا كٷدٸك كەلتٸرٸلگەنٸ ايتىلدى. سونداي-اق, وعان قارسى 20-عا جۋىق باعىنىشتى قىزمەتكەر ۇجىمدىق شاعىم تٷسٸرگەنٸ حابارلانعان.
كەيٸن ٸٸم ٶكٸلدەرٸ بۇل اقپاراتقا قاتىستى تٷسٸنٸكتەمە بەرٸپ, رەسمي مەلٸمدەمە جاساعان بولاتىن.
