15 qańtardan bastap tótenshe jaǵdai rejimi toqtatylǵan óńirlerde “Quqyqtyq tártip” jedel-aldyn alý is-sharasy bastaldy, – dep habarlaidy Polisia.kz.
19 qańtardan bastap jedel-aldyn alý sharasy tótenshe jaǵdai rejimi toqtatylǵan Nur-Sultan jáne Almaty qalalarynda, sondai-aq, Almaty, Atyraý, Jambyl, Qyzylorda jáne Mańǵystaý oblystarynda ótkiziledi.
Is-sharanyń negizgi maqsaty – jedel jaǵdaidy turaqtandyrý, zańdylyqty, quqyqtyq tártipti jáne qaýipsizdikti qamtamasyz etý boiynsha sharalar qabyldaý.
Zańnamaǵa sáikes ishki ister organdary jedel-aldyn alý is-sharasy sheńberinde júzege asyrady:
- – quqyq belgileitin qujattardy tekserý jáne kólik quraldaryn, sondai-aq, jeke tulǵalardyń jeke basyn kýálandyratyn qujattardy tekserý, olardy jáne zattaryn jeke tekserý;
- – jaldamaly páterlerdi, tastalǵan úilerdi, hostelderdi, saiajailardy, bazarlardy, tehnikalyq qyzmet kórsetý stantsiialaryn, sharýa jáne fermer qojalyqtaryn, shalǵaidaǵy ýchaskelerdi, qystaqtardy tekserý;
- – atys, travmatikalyq jáne sýyq qarýdy, oq-dárilerdi, jarylǵysh zattardy jáne t.b. tárkileý;
- – belgili bir turǵylyqty jeri joq adamdardy, zańsyz migranttardy anyqtaý;
- – buryn sottalǵan jáne ishki ister organdarynda esepte turǵan ózge de adamdardy tekserý.
Ishki ister ministrligi azamattardy jedel-aldyn alý is-sharasyn ótkizýge túsinistikpen qaraýǵa jáne politsiia qyzmetkerleriniń talaby boiynsha qujattardy kórsetýge shaqyrady.
