Foto: Polisia.kz
Qarashada Aqtóbe oblysynda politseiler munai óńdeýdiń bastapqy ónimin jalǵan qujattar arqyly urlaý jáne tasymaldaýmen ainalysqan adamdar tobynyń áreketin áshkereledi, dep habarlaidy Ult.kz.
Eki óńirde uiymdastyrýshylardyń nusqaýymen shamamen 60 tonna munai ónimin zańsyz tasymaldaǵan júk kólikteriniń júrgizýshileri ustaldy.
Turǵyn úiler men bir kásiporynda júrgizilgen tintýler barysynda shamamen 400 tonna munai ónimi, sondai-aq atys jáne gaz qarýlary, zańǵa qaishy operatsiialardy rastaityn qujattar tárkilendi.
Basqa qylmystyq is sheńberinde shetelge munai ónimderin kontrabandalyq jolmen shyǵarý arnasyna tartylǵan kompaniianyń qyzmeti tekserilýde.
Aldyn ala derekter boiynsha kásiporyn quny shamamen 8 mlrd teńgeni quraityn 30 myń tonnadan astam janarmaidy eksporttaǵan. Qazan aiynda memlekettik shekaradaǵy temirjol ótkizý pýnktteriniń birinde osy kompaniiaǵa tiesili, kórshi memleketke 300 tonna janarmai alyp bara jatqan tórt vagon anyqtaldy.
Anyqtalǵan barlyq derek boiynsha sotqa deiingi tergeý júrgizilýde, tiisti saraptamalar taǵaiyndaldy. Tergeý múddesine bailanysty ózge málimetter jariia etýge jatpaidy. IIM munai ónimderin urlaý faktilerin anyqtaý boiynsha jumysty jalǵastyrady.
