10 naýryzda Nur-Sultan, Almaty, Pavlodar jáne Semei qalalarynda Ulttyq qaýipsizdik komiteti Ishki ister ministrligimen birlesip, aýyr jáne asa aýyr qylmystar jasaýǵa qatysy bar uiymdasqan qylmystyq toptyń jolyn kesý boiynsha aýqymdy arnaiy operatsiia júrgizdi, dep habarlady komitettiń baspasóz qyzmeti.
"Ustalǵan toptyń 16 qatysýshysyna adam urlaý, bopsalaý, kisi óltirýge oqtalý, Shyǵys Qazaqstan oblysyndaǵy kásiporyndardyń birinen quramynda altyny bar shikizatty urlaý aiyptary taǵylyp otyr. Qazaqstan sheginen tys kontrabanda, sondai-aq transulttyq qylmystyq top qurý jáne oǵan basshylyq jasaý da bar", - delingen aqparatta.
Qylmystyq toptyń quramyna quqyq qorǵaý organdarynda jumys isteitin adamdar men burynǵy qyzmetkerleri kirgen.
Ustaý barysynda jasaǵan qylmystaryn rastaityn iri somadaǵy aqshalai qarajat, materialdyq qundylyqtar, bailanys quraldary jáne ózge de zattar tabyldy.
Sondai-aq ulttyq qaýipsizdik qyzmeti Almatyda qala kásipkerlerine qatysty asa aýyr qylmys jasaýǵa daiyndalyp jatqan shetel azamattaryn ustady,
"2021 jyldyń 18 aqpanynda Ulttyq qaýipsizdik qyzmeti Almaty qalasy boiynsha departamenti politsiiamen birlesip, transulttyq uiymdasqan qylmystyq topqa qatysýshylar áreketiniń jolyn kesý boiynsha arnaiy operatsiia ótkizdi. Tájikstannyń eki azamaty jáne bir Grýziia azamaty qala kásipkerlerine qatysty aýyr jáne asa aýyr qylmystar jasaýǵa daiyndalý kezinde ustaldy", - delingen aqparatta.
Qylmystyq nietterin iske asyrý úshin transulttyq uiymdasqan qylmystyq top músheleri memlekettik shekarany zańsyz kesip ótip, Qazaqstan aýmaǵyna ótken.
Toptyń bir múshesi 2019 jyly Qazaqstannyń quqyq qorǵaý organdary tarapynan jaýapqa tartylyp, elden shyǵarylǵan bolatyn.
"Ustalǵandar buryn birneshe márte sottalǵan jáne "urylar qaýymdastyǵynyń" áreketine qatysy bar. Olardyń biri qosarly kisi óltirý boiynsha jazasyn Reseide ótegen. Ekeýiniń qylmystyq ortada "vor v zakone" kandidaty degen laqap aty bar. Aziz Batýkaev ("Aziz"), Devid Gerlianimen ("Dato Svan", 2017 jyly UQK jaýapqa tartqan) jáne basqalarmen bailanysta bolǵan", - delingen aqparatta.
Ustalǵandardan 2 jaýyngerlik tapansha, 1 kelte myltyq, oq-dáriler, birneshe sýyq qarý jáne basqa da qarý-jaraq pen qylmys jasaý quraldary tabyldy.
Komitet aqparatyna sáikes, top músheleri Almaty qalasynda tájik diasporasynyń kásipkerlerine tiesili lombardtarǵa, aiyrbastaý pýnkteri men turǵyn úilerge birqatar qaraqshylyq shabýyl jasaý jáne urlaý úshin turaqty qylmystyq top qurýdy josparlaǵan. Sondai-aq olardan turaqty negizde aqshalai qarajat alý úshin olardy "qamqorlyqqa alýdy" rettep qoimaq bolǵan.
Qazir ustalǵandarǵa qatysty qylmystyq kodekstiń 287-baby 3-bóligi ("qarýdy zańsyz saqtaý") boiynsha qylmystyq is qozǵaldy. Qylmystyq kodekstiń 392-baby ("memlekettik shekarany qasaqana zańsyz kesip ótý") boiynsha qylmystyq is qozǵaý týraly másele sheshilýde.
Istiń ózge de mán-jaiyn anyqtaý, sondai-aq atalǵan adamdardyń basqa da qylmystarǵa qatysyn tekserý jónindegi jedel-tergeý is-sharalary jalǵasyp jatyr.
