Ekibastuzda áleýmettik jelige koronavirýs indeti jaily jalǵan málimet taratqan 53 jastaǵy áiel ákimshilik jazaǵa tartyldy, dep habarlaidy "Ult aqparat" Ishki ister ministrliginiń baspasóz qyzmetine silteme jasap.
«YouTube videohostinginde avtordyń Ekibastuzda «genotsid» júrip jatqany týraly aitqan sózi jariialandy. Avtor dárigerlerdiń koronavirýs infektsiiasyn juqtyrǵan naýqastardyń sany týraly statistikany ótirik túzetinin aitqan. Turǵyndar osy aqparatty bir-birine belsendi túrde tarata bastady. Alaida bul aqparat shyndyqqa sai kelmeidi», - dep habarlaidy IIM-nen.
Quqyq qorǵaýshylar videony zerttei kele 53 jastaǵy Ekibastuz qalasynyń turǵynyn ustapty. QR ÁQBjK-nyń 478-baby (Tótenshe jaǵdai kezinde quqyqtyq tártipti buzýǵa itermeleitin áreketter) boiynsha ákimshilik hattama toltyryldy. Is sotta qaralady.
«Artynsha atalǵan azamat buryn aitqan málimetterin joqqa shyǵaryp, qaitadan video jariialady. Osyǵan deiin jalǵan aqparat taratý faktisi boiynsha 14 adam ákimshilik jaýapkershilikke tartyldy», - delingen habarlamada.
