Foto: Polisia.kz
IIM óńirlerde qylmystyq toptardyń zańsyz áreketiniń jolyn kesý boiynsha jumystardy jalǵastyryp keledi, – dep habarlaidy Polisia.kz.
Qaraǵandy oblysynda biyl aýyr qylmys jasaýǵa qatysy bar alty qylmystyq top ustaldy. Bopsalaýdyń 40-tan astam faktisi anyqtalyp, joly kesildi.
15 qazanda Shahtinsk qalasynda uiymdasqan qylmysqa qarsy kúres basqarmasy jastar tobyn ustady. Onyń quramyna aralas jekpe-jek jattyqtyrýshysy kirgen. Olar jergilikti turǵyndardy, sondai-aq “Qarmet” AQ qyzmetkerlerin bopsalaǵan.
Buǵan deiin Temirtaý, Saran, Abai qalalarynda aýyr qylmystarǵa, sonymen qatar “Qarmet” AQ obektilerinen taýarlyq-materialdyq qundylyqtardy urlaýǵa jáne kásiporyn qyzmetkerlerin bopsalaýǵa qatysy bar basqa da qylmystyq toptardyń qatysýshylary ustalǵan bolatyn.
"Osy faktiler boiynsha ishki ister organdaryna barlyǵy 100-den astam kúdikti jetkizildi, olardyń 39-y qamaýǵa alyndy. 150-ge jýyq tintý sharalary júrgizildi. Qarý-jaraq pen oq-dáriler, sondai-aq basqa da zattai dáleldemeler tárkilendi. Aýyr qylmystardyń 16 epizody boiynsha úsh qylmystyq is sotqa jiberildi.
Kriminaldyq toptardyń jolyn kesý nátijesinde óńirde 30-dan astam atys jáne travmatikalyq qarý, oq-dáriler tárkilendi.
Óńirlerde quqyqtyq tártipti qamtamasyz etý boiynsha jumys jalǵasýda", – dedi IIM uiymdasqan qylmysqa qarsy kúres departamenti ókili Qýandyq Alpys.
