Ishki ister organdary qańtar oqiǵasyna qatysty 1 260 qylmystyq isti qarap jatyr. Bul týraly IIM tergeý departamentiniń bastyǵy Sanjar Ádilov málimdedi, dep habarlaidy Sputnik Qazaqstan.
"Qazirgi ýaqytta ishki ister organdary tergeýshileriniń óndirisinde buryn qabyldanǵan sheshimderdi eskermesek, 1 260 qylmystyq is bar. Bul ister boiynsha aýyr qylmys jasady degen kúdikpen 158 adam kúzetpen ustaldy", - dedi Sanjar Ádilov.
Qylmystyń óndiristegi istiń 204-i urlyq, 180-i zańsyz qarý ainalymy, 21 is bótenniń múlkin qasaqana búldirý boiynsha qaralyp jatyr. Kúdiktilerdiń kinási qylmys jasalǵan oryndarda túsirilgen video, kýágerlerdiń sózi, zattai dálel arqyly dáleldengen. Jýyrda osy qylmystyq ister boiynsha tiisti protsestik sheshim qabyldanady.
95 million teńge óteldi
Sanjar Ádilovtyń aitýynsha, qazirge deiin ishki ister organdarynyń tergeýshileri 402 aiyptalýshyǵa qatysty 255 qylmystyq isti aiyptaý aktisimen aiaqtap, sotqa joldady.
"Bul isterdiń basym bóligi Almaty qalasynda tirkeldi – 183, Almaty oblysynde - 46 jáne Kóliktegi politsiia departamenti boiynsha 10 qylmystyq is. Bul ister boiynsha jábirlenýshilerge keltirgen shyǵynnyń shamamen 95 million teńgesiniń orny toltyryldy", - dedi Sanjar Ádilov.
Sotqa deiingi tergep-tekserý barysynda politsiia qyzmetkerleri urlanǵan múlikterdi tapty. Sondai-aq jasaǵan isiniń saldaryn uǵynǵan aiyptalýshylar zalaldyń ornyn toltyrdy. Bul soma sonyń esebinen jabyldy.
"Almaty qalasy boiynsha 65 million teńgeden astam, Almaty oblysynda 16 million teńgege, Jambyl oblysy boiynsha 3 million teńgeden astam keltirilgen zardaptyń orny toltyryldy. Kóliktegi politseilerdiń qatysýymen 10 million teńgeden astam shyǵyn óteldi", - dedi ol.
