ٸشكٸ ٸستەر ورگاندارى قاڭتار وقيعاسىنا قاتىستى 1 260 قىلمىستىق ٸستٸ قاراپ جاتىر. بۇل تۋرالى ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ مەلٸمدەدٸ, دەپ حابارلايدى Sputnik قازاقستان.
"قازٸرگٸ ۋاقىتتا ٸشكٸ ٸستەر ورگاندارى تەرگەۋشٸلەرٸنٸڭ ٶندٸرٸسٸندە بۇرىن قابىلدانعان شەشٸمدەردٸ ەسكەرمەسەك, 1 260 قىلمىستىق ٸس بار. بۇل ٸستەر بويىنشا اۋىر قىلمىس جاسادى دەگەن كٷدٸكپەن 158 ادام كٷزەتپەن ۇستالدى", - دەدٸ سانجار ەدٸلوۆ.
قىلمىستىڭ ٶندٸرٸستەگٸ ٸستٸڭ 204-ٸ ۇرلىق, 180-ٸ زاڭسىز قارۋ اينالىمى, 21 ٸس بٶتەننٸڭ مٷلكٸن قاساقانا بٷلدٸرۋ بويىنشا قارالىپ جاتىر. كٷدٸكتٸلەردٸڭ كٸنەسٸ قىلمىس جاسالعان ورىنداردا تٷسٸرٸلگەن ۆيدەو, كۋەگەرلەردٸڭ سٶزٸ, زاتتاي دەلەل ارقىلى دەلەلدەنگەن. جۋىردا وسى قىلمىستىق ٸستەر بويىنشا تيٸستٸ پروتسەستٸك شەشٸم قابىلدانادى.
95 ميلليون تەڭگە ٶتەلدٸ
سانجار ەدٸلوۆتىڭ ايتۋىنشا, قازٸرگە دەيٸن ٸشكٸ ٸستەر ورگاندارىنىڭ تەرگەۋشٸلەرٸ 402 ايىپتالۋشىعا قاتىستى 255 قىلمىستىق ٸستٸ ايىپتاۋ اكتٸسٸمەن اياقتاپ, سوتقا جولدادى.
"بۇل ٸستەردٸڭ باسىم بٶلٸگٸ الماتى قالاسىندا تٸركەلدٸ – 183, الماتى وبلىسىندە - 46 جەنە كٶلٸكتەگٸ پوليتسييا دەپارتامەنتٸ بويىنشا 10 قىلمىستىق ٸس. بۇل ٸستەر بويىنشا جەبٸرلەنۋشٸلەرگە كەلتٸرگەن شىعىننىڭ شامامەن 95 ميلليون تەڭگەسٸنٸڭ ورنى تولتىرىلدى", - دەدٸ سانجار ەدٸلوۆ.
سوتقا دەيٸنگٸ تەرگەپ-تەكسەرۋ بارىسىندا پوليتسييا قىزمەتكەرلەرٸ ۇرلانعان مٷلٸكتەردٸ تاپتى. سونداي-اق جاساعان ٸسٸنٸڭ سالدارىن ۇعىنعان ايىپتالۋشىلار زالالدىڭ ورنىن تولتىردى. بۇل سوما سونىڭ ەسەبٸنەن جابىلدى.
"الماتى قالاسى بويىنشا 65 ميلليون تەڭگەدەن استام, الماتى وبلىسىندا 16 ميلليون تەڭگەگە, جامبىل وبلىسى بويىنشا 3 ميلليون تەڭگەدەن استام كەلتٸرٸلگەن زارداپتىڭ ورنى تولتىرىلدى. كٶلٸكتەگٸ پوليتسەيلەردٸڭ قاتىسۋىمەن 10 ميلليون تەڭگەدەن استام شىعىن ٶتەلدٸ", - دەدٸ ول.
