Foto:gov.kz
Ishki Ister Ministrligi resmi ókili Shyńǵys Álekeshev sý tasqynynan zardap shekkenderge qatysty ótemaqy alýda bolýy múmkin internet-alaiaqtardyń jańa shemalary týraly eskertti dep habarlaidy "Ult Aqparat".
"Ótemaqy tóleýdi kútken adamdarǵa alaiaqtar belgili bir memlekettik organnyń atynan qońyraý shalyp, adamnyń sý tasqynynan zardap shekkenderdiń tiziminde turǵanyn rastaý úshin SMS-ten kod jazyp jiberýin usynýy múmkin. Shyndyǵynda, osy kodtyń arqasynda alaiaqtar jábirlenýshiniń atyna kóp mólsherdegi nesie rásimdei alady. Degenmen, bilý mańyzdy: memlekettik organdar men bankterdiń qyzmetkerleri eshqashan telefon arqyly qupiia derekterdi berýdi talap etpeidi. Zardap shekkenderge ótemaqy tóleý máseleleri tek resmi túrde sheshiledi: jeke saparmen nemese resmi veb-resýrstardy paidalaný arqyly. Sms-ke keletin kodtardy eshkimge habarlaýǵa bolmaidy. Kúmándi siltemelerge ótýge bolmaidy. Telefonyńyzǵa qaýipti virýster ótip ketedi, bul alaiaqtarǵa telefon iesiniń atynan banktik operatsiialar jasaýǵa múmkindik beredi, dedi Astanada ótken brifingte Shyńǵys Álekeshev.
Sonymen qatar, politsiia qyraǵy bolýdy, qupiia derekterińizdi saqtaýdy jáne tek resmi aqparat kózderine senýdi eskertedi.
