Ishki ister ministri Marat Ahmetjanov eskertý siiaqty jazany qoǵamdyq jumystarǵa almastyrýdy usyndy, dep habarlaidy Sputnik Qazaqstan.
Ol Konstitýtsiianyń jańa ózgeristerine sáikes qoǵamdyq jumystardy sot qaýlysymen de taǵaiyndaýǵa ruqsat etilgenin eske saldy.
"Osynyń aiasynda "eskertý" siiaqty jazany "qoǵamdyq jumystarǵa" aýystyrýdy usynamyz. Bul quqyqbuzýshy úshin zańdy buzbaýǵa jetkilikti motivatsiia bolady dep sanaimyz", - dedi Ahmetjanov Úkimet otyrysynda.
Aitýynsha, qazir Ádilet ministrligi qoǵamdyq jumystardy zańnamalyq retteý máselesin pysyqtap jatyr. Al ákimder qoǵamdyq jumystardyń túrleri men kólemin anyqtap, jumys oryndaryn daiyndaýy qajet.
Tiisti baqylaýdy Ishki ister ministrligi júrgizedi. Sondai-aq IIM turmystyq zorlyq-zombylyqqa baratyndar úshin psiho-túzetý kýrstaryn engizýdi josparlap otyr.
Budan bólek, otbasylyq-turmystyq saladaǵy quqyqbuzýshylyqtar boiynsha jazany qatańdatý kózdelgen. Qaitalanǵan quqyqbuzýshylyqtar úshin ákimshilik qamaýǵa alý merzimin 20-dan 25 táýlikke deiin uzartý usynyldy.
