Ishki ister ministrligi jasóspirimderdi internet alaiaqtarynyń zańsyz qarjylyq shemalaryna qatysýdan saq bolýǵa shaqyrdy, dep habarlaidy ult.kz.
Vedomstvonyń málimetinshe, alaiaqtar kóbine messendjerler, áleýmettik jeliler men onlain oiyndar arqyly «jeńil tabys» usynatyn habarlamalar taratady. Olar jasóspirimderge óz bank kartasyna aqsha qabyldap, ony basqa shottarǵa aýdarýdy nemese qolma-qol aqshaǵa ainaldyrýdy usynady.
Alaida mundai áreketter urlanǵan qarajatty zańdastyrý tizbeginiń bir bóligi bolýy múmkin.
IIM ókilderiniń aitýynsha, qylmyskerler óz izin jasyrý úshin «droptardy» paidalanady. Iaǵni aqsha birneshe bógde shot arqyly ótkizilip, negizgi uiymdastyrýshylar jaýapkershilikten tasada qalady.
Tártip saqshylary mundai operatsiialarǵa baiqamai qatysýdyń ózi quqyqtyq jaýapkershilikke ákelýi múmkin ekenin eskertti.
Osyǵan bailanysty azamattarǵa, ásirese jasóspirimderge, bank kartasynyń derekterin jáne mobildi bank qosymshalaryna qatysty aqparatty bógde adamdarǵa bermeý, sondai-aq kúmándi qarjylyq usynystardan bas tartý usynyldy.
Politsiia kúmándi jaǵdai týyndaǵan kezde ata-analarǵa nemese senimdi eresekterge habarlasyp, keńes alýǵa shaqyrady.
Aita keteiik, buǵan deiin Aqtóbe oblysynda dropperlerge qatysty 20-ǵa jýyq qylmystyq is tirkelgeni habarlanǵan bolatyn.
