Foto: Polisia.kz
Ishki ister ministrligi Astanada qoǵamdyq qaýipsizdik pen quqyqtyq tártipti júieli túrde qamtamasyz etýdi jalǵastyrýda. Preventivtik negizde qylmystyq kórinisterdi anyqtaý jáne beitaraptandyrý jumystary júrgizilýde, dep habarlaidy Ult.kz.
Qyrkúiek aiynda jedel aqparatty iske asyrý barysynda politsiia qyzmetkerleri ózin quqyq qorǵaý organdarynyń qyzmetkeri retinde tanystyryp, qorqytyp aqsha alǵan elorda turǵynyn ustady. Kúdiktiden jalǵan kýálik tárkilendi.
Condai-aq Astanada áleýmettik jeliler arqyly bopsalaý syzbasyn uiymdastyrǵan, buryn sottalǵan áieldiń áreketiniń joly kesildi. Kúdikti tanysý jáne kezdesýdi syltaý etip, zorlaý týraly jalǵan aryzben politsiiaǵa júginemin dep er adamdardy qorqytqan. Ol ustalyp, jaýapkershilikke tartyldy.
Odan bólek, 25 jastaǵy er adam ustaldy. Ol kúsh qoldanamyn dep qorqytyp, bopsalaýmen ainalysqan. Ustaý kezinde odan atys qarýy men oq-dáriler alyndy.
Jedel aqparat pen elorda turǵyndarynyń shaǵymdaryn tekserý barysynda "Lazýrnyi kvartal", "Diplomat" jáne "Mison" turǵyn úi keshenderinde qyzdardy jynystyq qanaýmen bailanysty zańsyz biznes uiymdastyrǵan top anyqtaldy.
- Barlyǵy 14 adam ustaldy, uiymdastyrýshylar ýaqytsha ustaý izoliatoryna qamaýǵa alyndy. Ishki ister ministrligi azamattardyń qaýipsizdigin qamtamasyz etýge jáne elordadaǵy kriminogendik jaǵdaidy baqylaýǵa "Zań men Tártip" tujyrymdamasy aiasynda basa nazar aýdarylatynyn atap ótedi, - dedi IIM uiymdasqan qylmysqa qarsy kúres departamentiniń ókili Qýandyq Alpys.
