QR Ishki ister ministrliginiń resmi ókili Nurdildá Oraz byltyr vedomstvo 9 millionǵa jýyq memlekettik qyzmet kórsetkenin aitty, dep habarlaidy "Ult aqparat".
«Ishki ister ministrligi memlekettik qyzmet kórsetý protsesterin ońailatý, olardyń sapasy men halyqqa qoljetimdiligin arttyrý boiynsha jumystardy jalǵastyryp keledi. Ótken jyly ministrlik qurylymdary 9 millionǵa jýyq memlekettik qyzmet kórsetti. Búginde ishki ister organdary kórsetetin 40 qyzmettiń 38-i nemese 95 paiyzy avtomattandyrylǵan», - dedi resmi ókil onlain rejimdegi brifingide.
Olardyń ishindegi kóp suranysqa ie - avtokólikti tirkeý, oǵan 2 million 366 myń adam júgingen.
«2 millionnan astam azamatqa jeke basty kýálandyratyn qujat berildi. Millionǵa jýyǵy júrgizýshi kýáligin alǵan. 2 millionnan astam qazaqstandyq turǵylyqty jeri boiynsha tirkeldi. Ishki ister ministri Erlan Turǵymbaev atap ótkendei, IIM-niń Memlekettik qyzmet kórsetý salasyndaǵy eń basty ustanymy – qyzmetterdi avtomattandyrý, jedeldiligin arttyrý, ashyqtyǵyn qamtamasyz etý jáne sybailas jemqorlyqty azaitý bolyp tabylady», - dedi N. Oraz.
