Foto: Polisia.kz
IIM sońǵy aptada Qazaqstannyń birneshe qalasy men oblysynda operatsiialar júrgizip, 110 keliden astam esertki tárkiledi, dep habarlaidy Ult.kz.
Almatyda 26 jastaǵy er adam kóligimen 2,5 kg mefedron, 50 gramm kokain jáne 30 gramm "ekstazi" esirtkisin tasymaldaý kezinde ustaldy. Sondai-aq bir kelige jýyq mefedron men 20 gramm kokaindy avtokólikpen tasymaldaǵan eki azamat ustaldy.
Abai oblysynda 27 jastaǵy er adam quryqtaldy. Ol túrme aýmaǵyna salmaǵy 2 kg bolatyn alty oram gashish tastamaq bolǵan.
Astanada 27 jastaǵy er adam 10 keliden astam gashish pen 265 gramm marihýana saqtaǵan. Ol esirtkini Telegram arqyly satyp alǵan.
"Nátijesinde bir apta ishinde 29 adam qamaýǵa alyndy. 110 keliden astam esirtki tárkilendi. Olardyń ishinde 78 keliden astam sintetika, 9 kg gashish, 22 kg marihýana jáne 68 gramm kokain. Ishki ister ministrligi esirtki qylmystaryn anyqtaý jáne jolyn kesý boiynsha belsendi jumysty jalǵastyrýda", - dedi IIM esirtki qylmysyna qarsy is-qimyl komiteti tóraǵasynyń orynbasary Daniiar Meiirhan.
