Qazaqstanda jarty jyldyń ishinde qylmys 37%-ǵa tómendedi. Bul týraly ishki ister ministri Erlan Turǵymbaev málim etti, dep habarlaidy "Ult aqparat" Polisia.kz-ke silteme jasap.
Ishki ister organdary karantin sharalaryn qamtamasyz etýden bólek, óziniń negizgi qyzmetin – azamattardyń qaýipsizdigin qamtamasyz etip, qylmyspen kúresip jatyr.
«Birinshi jarty jyldy qorytyndylaityn bolsaq, kóptegen baǵyt boiynsha tártipti kúzetý sharalaryn kúsheitýdiń arqasynda eldegi qylmys jaǵdaiyn aitarlyqtai jaqsarttyq. Qoǵamdyq oryndar men kóshelerdegi qylmys sany 40 %-ǵa tómendedi», - dep atap ótti IIM basshysy.
Eldegi jalpy qylmys deńgeii 37%-ǵa tómendegen (114,6 myńnan 71,8 myńǵa deiin). Sondai-aq, tonaý, urlyq jasaý jáne buzaqylyq syndy qaýipti qylmystar eki esege azaiǵan. Kámelettik jasqa tolmaǵandardyń tártip buzýy da 13%-ǵa qysqarǵan.
«Otbasy-turmystyq quqyq buzýshylyq sany 21%-ǵa ósti. Osyǵan bailanysty politsiia profilaktikalyq sharalar qoldanady», - dep atap ótti Turǵymbaev.
