قازاقستاندا جارتى جىلدىڭ ٸشٸندە قىلمىس 37%-عا تٶمەندەدٸ. بۇل تۋرالى ٸشكٸ ٸستەر مينيسترٸ ەرلان تۇرعىمباەۆ مەلٸم ەتتٸ, دەپ حابارلايدى "ۇلت اقپارات" Polisia.kz-كە سٸلتەمە جاساپ.
ٸشكٸ ٸستەر ورگاندارى كارانتين شارالارىن قامتاماسىز ەتۋدەن بٶلەك, ٶزٸنٸڭ نەگٸزگٸ قىزمەتٸن – ازاماتتاردىڭ قاۋٸپسٸزدٸگٸن قامتاماسىز ەتٸپ, قىلمىسپەن كٷرەسٸپ جاتىر.
«بٸرٸنشٸ جارتى جىلدى قورىتىندىلايتىن بولساق, كٶپتەگەن باعىت بويىنشا تەرتٸپتٸ كٷزەتۋ شارالارىن كٷشەيتۋدٸڭ ارقاسىندا ەلدەگٸ قىلمىس جاعدايىن ايتارلىقتاي جاقسارتتىق. قوعامدىق ورىندار مەن كٶشەلەردەگٸ قىلمىس سانى 40 %-عا تٶمەندەدٸ», - دەپ اتاپ ٶتتٸ ٸٸم باسشىسى.
ەلدەگٸ جالپى قىلمىس دەڭگەيٸ 37%-عا تٶمەندەگەن (114,6 مىڭنان 71,8 مىڭعا دەيٸن). سونداي-اق, توناۋ, ۇرلىق جاساۋ جەنە بۇزاقىلىق سىندى قاۋٸپتٸ قىلمىستار ەكٸ ەسەگە ازايعان. كەمەلەتتٸك جاسقا تولماعانداردىڭ تەرتٸپ بۇزۋى دا 13%-عا قىسقارعان.
«وتباسى-تۇرمىستىق قۇقىق بۇزۋشىلىق سانى 21%-عا ٶستٸ. وسىعان بايلانىستى پوليتسييا پروفيلاكتيكالىق شارالار قولدانادى», - دەپ اتاپ ٶتتٸ تۇرعىمباەۆ.
