Foto: Polisia.kz
IIM avtonesieleýdiń qylmystyq shemasyn áshkereledi, dep habarlaidy Ult.kz.
19 qańtar kúni uiymdasqan qylmysqa qarsy kúres basqarmasynyń qyzmetkerleri Almaty, Shymkent qalalarynda, sondai-aq Almaty, Batys Qazaqstan jáne Túrkistan oblystarynda áleýmettik osal azamattardyń atyna avtonesie rásimdep, keiin avtokólikterdi shetelge shyǵaryp otyrǵan qylmystyq toptyń qyzmetin toqtatty.
Anyqtalǵandai, kúdiktiler qysym kórsetý jáne qorqytý arqyly qorǵansyz azamattardy óz atyna avtonesie rásimdeýge májbúrlegen.
"Tólem qabilettiligi bar degen jalǵan kórsetkish qalyptastyrý maqsatynda kúdiktiler azamattardyń bank shottaryn ýaqytsha tolyqtyryp, olardyń kredittik tarihyn jasandy túrde jaqsartqan.
Kúdiktiler jalǵan qujattardy paidalana otyryp, avtokólikterdi kepilge qoiyp, mikroqarjy uiymdarynan nesie alǵan. Osydan soń qymbat avtokólikter shetelde satylǵan", - delingen habarlamada.
Vedomstvo málimetinshi, qazirgi ýaqytta osyndai 15 derek anyqtalyp, ózge de epizodtar boiynsha jumys júrgizilýde.
Tintý is-sharalary barysynda birneshe birlik atys jáne sýyq qarý, oq-dáriler, sondai-aq qylmystyq áreketterdi rastaityn qujattar men aqparat tasymaldaǵyshtar tárkilendi.
Sotqa deiingi tergep-tekserý birneshe bap boiynsha júrgizilýde, negizgi 6 kúdikti qamaýǵa alynyp, ýaqytsha ustaý izoliatoryna qamaldy.
