Ishki ister ministrligi avtobýs qozǵalysyna arnalǵan jolaqtardy basqa kólikterdiń paidalanýyn retteitin zańnamalyq túzetýler usynyp otyr, dep habarlaidy QazAqparat.
Bul týraly Ishki ister ministriniń keńesshisi Nurdildá Oraz vedomsvonyń onlain brifingisinde aity.
«Qazirgi ýaqytta múddeli memlekettik organdar qalalarda arnaiy bólingen avtobýs jolaqtaryn avtomobilderdiń qarbalas saǵattardan tys kezde jáne demalys kúnderi paidalaný múmkindigin zerdelei otyryp avtomobil aǵyndaryn uiymdastyrý máselesin pysyqtap jatyr. Ishki ister ministrligi jol qaýipsizdigin qamtamasyz etetin ýákiletti organ retinde jol qozǵalysy erejelerine yqtimal túzetýlerdi aldyn ala daiyndady», - dedi ministrdiń keńesshisi.
Ministrlik ókili túzetýlerdiń jobasy «Ashyq NQA» aqparattyq portalyna jarilanǵan eske saldy.
«Eldi mekenderde jol qozǵalysyn uiymdastyrýǵa jáne kóshe-jol jelisin basqarýǵa zań júzinde jaýapty bolyp tabylatyn jergilikti atqarýshy organdar kóshelerdiń jalpy júktemesin, qozǵalys qarqyndylyǵyn jáne qoǵamdyq kólikke arnalǵan jolaqtardyń ótkizý qabiletin zerttep, tiisti saraptamalar negizinde taldaidy.
Jariia talqylaý, halyqaralyq tájiribeni zerdeleý nátijelerin qosa alǵanda, barlyq jinalǵan materialdar Indýstriia jáne infraqurylymdyq damý ministrligine engiziledi. Zańnamaǵa tiisti túzetýler engizýdiń oryndylyǵyn memlekettik organdar jinalǵan materialdardy qorytýǵa jáne taldaýǵa qarai, jurtshylyqtyń pikiri negizinde qaraityn bolady», - dedi Nurdildá Oraz.
