Ishki ister ministri Erlan Turǵymbaev M. Esbolatov atyndaǵy IIM Almaty akademiiasynda jańa fakýltetterdiń ashylýyna qatysty. Bul týraly Ishki ister ministrliginiń baspasóz qyzmeti ótkizgen onlain brifingte aityldy, dep habarlaidy QazAqparat.
Bul fakýltetterde basshylyq quram jáne ishki ister organdarynyń orta basshy quramy daiarlanady.
«Memleket basshysynyń ishki ister organdarynyń kadrlyq áleýetin daiyndaý jáne arttyrý týraly tapsyrmasy aiasynda politsiia basqarmalarynyń bastyqtary men olardyń orynbasarlarynan bastap aýmaqtyq politsiia departamentteriniń bastyqtaryna deiingi basshy quram laýazymdaryna barlyq taǵaiyndaýlar, sondai-aq Prezidenttik kadr rezervine kandidattardy qabyldaý kórsetilgen fakýltetterde oqýdan ótkennen keiin ǵana júrgiziletin bolady», - dep habarlady ministr Akademiianyń professorlyq-oqytýshylyq quramymen kezdesý kezinde.
Vedomstvo basshysynyń málimetinshe, tyńdaýshylardyń birinshi legi osy jyldyń 29 naýryzynda keledi.
«Dáriskerler pýlyna IIM ortalyq apparatynyń basshylary, IIO ardagerleri, memlekettik organdardyń, azamattyq qoǵam institýttarynyń ókilderi, qazaqstandyq jáne sheteldik kórnekti ǵalymdar, qoǵam qairatkerleri kiredi. Ministrge ǵylym, bilim jáne politsiianyń praktikalyq qyzmetin integratsiialaýdy kózdeitin ǵylymi-zertteý institýtyn qurý jobasy, sondai-aq halyqaralyq yntymaqtastyq, strategiialyq damý, ideologiialyq jáne imidjdik jumysty jobalyq basqarý bólimderi tanystyryldy», - deidi QR IIM resmi ókili Nurdildá Oraz.
