ٸشكٸ ٸستەر مينيسترٸ ەرلان تۇرعىمباەۆ م. ەسبولاتوۆ اتىنداعى ٸٸم الماتى اكادەميياسىندا جاڭا فاكۋلتەتتەردٸڭ اشىلۋىنا قاتىستى. بۇل تۋرالى ٸشكٸ ٸستەر مينيسترلٸگٸنٸڭ باسپاسٶز قىزمەتٸ ٶتكٸزگەن ونلاين بريفينگتە ايتىلدى, دەپ حابارلايدى قازاقپارات.
بۇل فاكۋلتەتتەردە باسشىلىق قۇرام جەنە ٸشكٸ ٸستەر ورگاندارىنىڭ ورتا باسشى قۇرامى دايارلانادى.
«مەملەكەت باسشىسىنىڭ ٸشكٸ ٸستەر ورگاندارىنىڭ كادرلىق ەلەۋەتٸن دايىنداۋ جەنە ارتتىرۋ تۋرالى تاپسىرماسى اياسىندا پوليتسييا باسقارمالارىنىڭ باستىقتارى مەن ولاردىڭ ورىنباسارلارىنان باستاپ اۋماقتىق پوليتسييا دەپارتامەنتتەرٸنٸڭ باستىقتارىنا دەيٸنگٸ باسشى قۇرام لاۋازىمدارىنا بارلىق تاعايىنداۋلار, سونداي-اق پرەزيدەنتتٸك كادر رەزەرۆٸنە كانديداتتاردى قابىلداۋ كٶرسەتٸلگەن فاكۋلتەتتەردە وقۋدان ٶتكەننەن كەيٸن عانا جٷرگٸزٸلەتٸن بولادى», - دەپ حابارلادى مينيستر اكادەمييانىڭ پروفەسسورلىق-وقىتۋشىلىق قۇرامىمەن كەزدەسۋ كەزٸندە.
ۆەدومستۆو باسشىسىنىڭ مەلٸمەتٸنشە, تىڭداۋشىلاردىڭ بٸرٸنشٸ لەگٸ وسى جىلدىڭ 29 ناۋرىزىندا كەلەدٸ.
«دەرٸسكەرلەر پۋلىنا ٸٸم ورتالىق اپپاراتىنىڭ باسشىلارى, ٸٸو ارداگەرلەرٸ, مەملەكەتتٸك ورگانداردىڭ, ازاماتتىق قوعام ينستيتۋتتارىنىڭ ٶكٸلدەرٸ, قازاقستاندىق جەنە شەتەلدٸك كٶرنەكتٸ عالىمدار, قوعام قايراتكەرلەرٸ كٸرەدٸ. مينيسترگە عىلىم, بٸلٸم جەنە پوليتسييانىڭ پراكتيكالىق قىزمەتٸن ينتەگراتسييالاۋدى كٶزدەيتٸن عىلىمي-زەرتتەۋ ينستيتۋتىن قۇرۋ جوباسى, سونداي-اق حالىقارالىق ىنتىماقتاستىق, ستراتەگييالىق دامۋ, يدەولوگييالىق جەنە يميدجدٸك جۇمىستى جوبالىق باسقارۋ بٶلٸمدەرٸ تانىستىرىلدى», - دەيدٸ قر ٸٸم رەسمي ٶكٸلٸ نۇردٸلدە وراز.
