Foto: Polisia.kz
Abai oblysynda kriminaldyq politsiia qyzmetkerleri jylqy urlaýmen ainalysqan qylmystyq topty ustady. Top tórt adamnan turǵan, – dep habarlaidy Polisia.kz.
Kúdiktilerdiń 50-den astam jylqy urlaǵany anyqtaldy. Olardyń biri sharýa qojalyǵyn basqarǵan. Urlanǵan maldy dalaly jerge aparyp, etin satý úshin soiyp otyrǵan. Tiri jylqylardy KamAZ-ben ońtústik aimaqqa, al etti oblys bazarlaryna aparǵan. Qaskóiler qamaýǵa alyndy.
"Jalpy sońǵy bes jylda mal urlyǵy 64%-ǵa azaidy. Jyl basynan beri 419 mal urysy ustaldy. 65 qylmystyq top joiyldy. 3,5 myńǵa jýyq mal ielerine qaitaryldy. Aita ketý kerek, mal urlyǵy úshin múlki tárkilenip, 12 jylǵa deiin bas bostandyǵynan aiyrý jazasy qarastyrylǵan", – dedi IIM kriminaldyq politsiia departamentiniń bastyǵy Qanat Nurmaǵambetov.
