III Charlz resmi túrde Ulybritaniianyń patshasy bolyp jariialandy, dep habarlaidy "Ult aqparat".
II Elizaveta patshaiym qaitys bolǵannan keiin uly Charlz taqqa otyrý quqyǵyna ie boldy. 10 qyrkúiekte Londonda Taq muragerligi jónindegi keńes ony resmi túrde monarh etip jariialady.
BBC aqparat agenttiginiń jazýynsha, proklamatsiiaǵa taq iesiniń ózi, onyń áieli - koroleva-konsort Kamilla, Qaýymdar palatasynyń jetekshisi, keńestiń lord-tóraiymy Penni Mordont, premer-ministr Liz Trass jáne Kenterberii arhiepiskopy qol qoiǵan.
Rásimge kelgenderdiń barlyǵy-derlik patshaiymdy aza tutyp, qara kiip keldi.
Aldyńǵy qatarda Ulybritaniianyń burynǵy premer-ministrleri – Djon Meidjor, Gordon Braýn, Boris Djonson, Devid Kameron, Tereza Mei jáne Toni Bler turdy. Osy qatarda britan oppozitsiiasynyń jetekshisi, leiborister partiiasynyń basshysy Kir Starmer de boldy.
73 jastaǵy III Charlz - Ulybritaniia tarihynda taqqa otyrǵan jasy eń úlken monarh. Onyń anasy II Elizaveta patshaiym 8 qyrkúiekte 96 jasynda Balmoral qamalynda kóz jumdy.
