Almaty IID basshysy Serik Kúdebaev Qazaqstandyq mánerlep syrǵanaýshy marqum Denis Tenniń qazasyna qatysty pikir bildirdi, dep habarlaidy QazAqparat tilshisi.
«Onyń týystaryna kóńil aitamyn. Bul jaǵdai kezdeisoq boldy ma, joq pa, ol jaǵyn aita almaimyn. Bul bizdiń jumysymyzdaǵy kemshilikterdiń kesirinen bolýy ábden múmkin. Men ol kezde demalysta boldym. Biraq oqiǵadan habar alysymen dereý jumysqa oralyp, qylmyskerlerdi taptyq. Men Almaty keremet qala dep esepteimin. Biz osy jaǵdaidan keiin de shahardy adamdar úshin qaýipsiz etýge tyrysamyz. Bul maqsatqa biýdjetten bólingen qarjynyń shyǵyny týraly esepti de bere alamyz», - dedi Serik Kúdebaev IT indýstriiasy ókilderimen «Qaýipsizdikti tsifrlandyrý» taqyrybynda ótip jatqan sessiiada.
Almaty IID bastyǵynyń sózinshe, qylmysty ashý jóninen statistikalyq kórsetkish birshama jaqsarǵan.
«Almatyda 5 jyl buryn 10 qylmystyń bireýi ashylsa, qazir de 10-nyń 9-y túbegeili zertteledi. Demek qylmysty anyqtaýda artta qalýshylyq joq», - dedi ol.
Eske sala ketsek, Denis Ten 19 shilde kúni qaza boldy. Qurmanǵazy men Baiseiitova kósheleriniń qiylysynda qylmystyq istiń ústinen túsken sportshyny urylar pyshaqtap ketti. Sportshynyń óltirdi dep aiyptalǵan Nuraly Qiiasov pen Arman Qudaibergenov tutqyndaldy. Denis Tenniń ólimine kináliler ómir boiyna abaqtyǵa jabylmaq.
