الماتى ٸٸد باسشىسى سەرٸك كٷدەباەۆ قازاقستاندىق مەنەرلەپ سىرعاناۋشى مارقۇم دەنيس تەننٸڭ قازاسىنا قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«ونىڭ تۋىستارىنا كٶڭٸل ايتامىن. بۇل جاعداي كەزدەيسوق بولدى ما, جوق پا, ول جاعىن ايتا المايمىن. بۇل بٸزدٸڭ جۇمىسىمىزداعى كەمشٸلٸكتەردٸڭ كەسٸرٸنەن بولۋى ەبدەن مٷمكٸن. مەن ول كەزدە دەمالىستا بولدىم. بٸراق وقيعادان حابار الىسىمەن دەرەۋ جۇمىسقا ورالىپ, قىلمىسكەرلەردٸ تاپتىق. مەن الماتى كەرەمەت قالا دەپ ەسەپتەيمٸن. بٸز وسى جاعدايدان كەيٸن دە شاھاردى ادامدار ٷشٸن قاۋٸپسٸز ەتۋگە تىرىسامىز. بۇل ماقساتقا بيۋدجەتتەن بٶلٸنگەن قارجىنىڭ شىعىنى تۋرالى ەسەپتٸ دە بەرە الامىز», - دەدٸ سەرٸك كٷدەباەۆ IT يندۋستريياسى ٶكٸلدەرٸمەن «قاۋٸپسٸزدٸكتٸ تسيفرلاندىرۋ» تاقىرىبىندا ٶتٸپ جاتقان سەسسييادا.
الماتى ٸٸد باستىعىنىڭ سٶزٸنشە, قىلمىستى اشۋ جٶنٸنەن ستاتيستيكالىق كٶرسەتكٸش بٸرشاما جاقسارعان.
«الماتىدا 5 جىل بۇرىن 10 قىلمىستىڭ بٸرەۋٸ اشىلسا, قازٸر دە 10-نىڭ 9-ى تٷبەگەيلٸ زەرتتەلەدٸ. دەمەك قىلمىستى انىقتاۋدا ارتتا قالۋشىلىق جوق», - دەدٸ ول.
ەسكە سالا كەتسەك, دەنيس تەن 19 شٸلدە كٷنٸ قازا بولدى. قۇرمانعازى مەن بايسەيٸتوۆا كٶشەلەرٸنٸڭ قيىلىسىندا قىلمىستىق ٸستٸڭ ٷستٸنەن تٷسكەن سپورتشىنى ۇرىلار پىشاقتاپ كەتتٸ. سپورتشىنىڭ ٶلتٸردٸ دەپ ايىپتالعان نۇرالى قيياسوۆ پەن ارمان قۇدايبەرگەنوۆ تۇتقىندالدى. دەنيس تەننٸڭ ٶلٸمٸنە كٸنەلٸلەر ٶمٸر بويىنا اباقتىعا جابىلماق.
