Foto: Sky News
Jeti kólikten turatyn jerleý korteji Elizaveta II-niń máiiti bar tabytty London rezidentsiiasy - Býkingem saraiyna jetkizdi, - dep habarlaidy Tengrinews.kz agenttigi Sky News arnasyna silteme jasap.
Londonnyń ortalyǵyna barar jolda aza tutýshylar joldyń eki jaǵyna jinalyp, sherýdi tamashalady.
Kólikti saraida Ulybritaniia koroli Charlz III, Koroleva Konsort Kamilla, Ýels hanzadasy Ýiliam jáne onyń áieli hanshaiym Keit qarsy aldy. Elizaveta II-niń qyzy Anna hanshaiym anasynyń denesin Balmoraldan Býkingem saraiyna deiin alyp júrdi.
Sársenbige qaraǵan túni patshaiymnyń denesi Býkingem saraiynyń memlekettik bólmeleriniń birinde bolady. Korol otbasynyń jaqyn músheleri, sarai qyzmetkerleri qoshtasý rásimin ótkizdi. Sársenbi kúni tabyt Vestminster saraiyna jetkiziledi, onda ol dúisenbi tańerteńge deiin bolady.
Ulybritaniia patshaiymy Elizaveta II-ni jerleý rásimi dúisenbi, 19 qyrkúiekte ótedi.
