"Eýraziia júregi" birinshi halyqaralyq festivaline daiyndyq týraly Reseidiń Qazaqstandaǵy elshisi Aleksei Borodavkin aityp berdi, – dep habarlaidy Sputnik Qazaqstan.
Onyń aitýynsha, Qazaqstan men Reseidiń mádeniet jáne óner salasyndaǵy áriptestigi qarqyndy damyp keledi. 2019 jyly Qazaqstan-Resei áriptestik jónindegi úkimetaralyq komissiiasynyń janynan mádeni-gýmanitarlyq áriptestik baǵytyndaǵy shaǵyn komissiia quryldy. Diplomat bul 2019 jyldyń aitýly oqiǵalarynyń biri ekenin atap ótti.
"Shymkent – TMD-nyń 2020 jyldaǵy astanasy" atty TMD memleketaralyq baǵdarlamasy iske asyryla bastady. Sharalardyń aýqymdy jospary bar. Onyń aiasynda "Eýraziia júregi" atty birinshi halyqaralyq festival uiymdastyrylady", - dedi Borodavkin Evgenii Vahtangov atyndaǵy Máskeý memlekettik akademiialyq teatrynyń astanadaǵy baspasóz máslihatynda.
Buǵan deiin Sputnik Qazaqstanǵa bergen suhbatynda Resei prezidentiniń halyqaralyq mádeni áriptestiginiń arnaiy ókili Mihail Shvydkoi festival týraly aitqan bolatyn.
"Evrovidenie" nemese "Slavianskii bazar" baiqaýlaryna uqsas, alaida Ortalyq Aziiaǵa arnalǵan konkýrs uiymdastyrý ideiasy týyndady. Bul týraly Igor Krýtoimen sóilestik. Ol kelisip otyr", - dedi Shvydkoi.
