Jyldyń aiaqtalýyna nebári 4 ai ýaqyt qaldy. Osyny eskerip, barlyq salalar boiynsha josparlanǵan qarjylardyń tolyq igerilýin qatań baqylaýǵa alý qajet. Igerilmeý qaýipi bar qarjylarǵa tolyq taldaý jasap, qajet bolǵan jaǵdaida olardy qysqartyp basqa jobalardy qarjylandyrǵa baǵyttaýǵa úlgerý kerek. Búgin bul týraly oblys ákimdiginde ótken selektorlyq otyrysta Ońtústik Qazaqstan oblysynyń ákimi Janseiit Túimebaev málim etti. Bul týraly OQO ákiminiń baspasóz qyzmeti habarlady.
Selektorlyq otyrystyń kún tártibinde eki másele qaraldy. Onyń alǵashqysy - jergilikti biýdjettiń igerilýi. Bul jóninde oblystyq Qarjy basqarmasy basshysynyń mindetin atqarýshy Rahymberdi Múlkemanov baiandama jasady.
Biyl oblys boiynsha jergilikti biýdjetke túsetin salyqtyq jáne basqa da túsimder jospary 108,7 paiyzǵa oryndalyp, otyr.Bul 2016 jyldyń 7 aiymen salystyrǵanda túsimder 3,9 mlrd.teńgege ósip otyr.
«Biylǵy 7 aidyń qorytyndysymen jospardaǵy 334,8 mlrd.teńgeniń 326,7 mlrd.teńgesi igerilip, jospar 97,6 paiyzǵa oryndaldy. Biýdjettiń shyǵystaryna keletin bolsaq, birinshi jartyjyldyqtyń qorytyndysymen biýdjet qarjysy 99,9 paiyzǵa igerilgen», - dedi Rahymberdi Mýlkemanov.
Máseleniń mán-jaiyna qanyqqan oblys ákimi tiisti sala basshylary men aýdan-qala ákimderine naqty tapsyrmalar júktep, jumysty báseńdetken jaýapty qyzmetkerlerge talapty kúsheitýdi tapsyrdy.
«Barlyq baǵdarlama ákimshilerine, aýdan, qala ákimderine jáne oblys ákiminiń orynbasarlary jetekshilik etetin salalar boiynsha josparlanǵan qarjylardyń tolyq igerilýin qatań baqylaýǵa alýdy tapsyramyn. Birinshi kezekte qurylys nysandarynyń sapasyna asa kóńil bólinip, qalys qalyp otyrǵan nysandar boiynsha 2, 3 aýysymda qurylys jumystaryn uiymdastyrý qajet. Sonymen qatar, biýdjettiń oryndalý barysy boiynsha árbir 15 kún saiyn, arnaiy májilisterdi ótkizýdi tapsyramyn», - dedi J. Túimebaev.
Jiynda qaralǵan ekinshi másele - oblystaǵy veterinariialyq qaýipsizdik. Bul jóninde oblystyq Aýylsharýashylyq basqarmasynyń orynbasary Nurjigit Myrzahmetov baiandama jasady.
2017 jyldyń basynan Báidibek, Maqtaral, Otyrar, Túlkibas, Sairam, Qazyǵurt, Shardara aýdandarynda Kongo-Qyrym qandy qyzbasyn zalalsyzdandyrý jumystary sapasyz júrgizilgen. Sondai-aq biyl janýarlardan jaraqat alǵan adam sany 2016 jylmen salystyrǵanda edáýir azaiǵan
Ekinshi másele jóninde óńir basshysy shuǵyl arada veterinariialyq preparattardy saqtaýǵa arnalǵan tońazytqyshtardy jergilikti biýdjet esebinen satyp alýdy qamtamasyz etýdi júktedi. Sonymen qatar, sibir jarasynyń kómindilerin tártipke sáikes oqshaýlaýdy, oblys aýmaǵyndaǵy saýda oryndarynda, bazarlarda satylyp jatqan et ónimderiniń sapasyna turaqty qadaǵalaý júrgizýdi tapsyrdy.
