I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.
Bul týraly Parlament Májilisiniń jalpy otyrysynda azamattardyń jekelegen sanattaryn áleýmettik qorǵaý máseleleri boiynsha zań jobasyn talqylaý kezinde QR Eńbek jáne halyqty áleýmettik qorǵaý ministri Serik Shápkenov málim etti, dep habarlaidy QazAqparat.
«Negizgi tujyrymdamalyq jańalyqtarǵa toqtalsaq, qujatta sebebine qaramastan, I toptaǵy múgedektigi bar adamdarǵa kútim kórsetýshilerge jańa járdemaqy túrin engizý qaralǵan. Qazirgi ýaqytta I toptaǵy 66 myń múmkindigi shekteýli jannyń arasynan árbir úshinshisi kútimi boiynsha járdemaqymen de, jeke kómekshiniń qyzmetimen de qamtylmaǵan. Iaǵni basqa adamnyń kómegine zárý, óz betimen júrip-tura almaityn múgedek jandar», - dedi S. Shápkenov.
Osy oraida zań jobasyn qabyldaý nátijesinde syrtqy qamqorlyqqa muqtaj 24 myń adam qosymsha kútim boiynsha járdemaqymen qamtylady.
«Qazirgi ýaqytta járdemaqyny engizý boiynsha daiyndyq jumystary júrgizilýde», - dedi ministr.
