Huawei Technologies Kazakhstan kompaniiasy Android tutynýshylaryna qyzmet kórsetýdi jalǵastyratynyn málim etti, dep habarlaidy QazAqparat.
«Huawei kompaniiasy Android-tyń dúnie júzi boiynsha damýyna úlken eńbek sińirdi. Android-tyń negizgi seriktesteriniń biri retinde biz olardyń ashyq platformasymen tutynýshylarǵa, sondai-aq, tutas óndiriske qajetti ekojúieniń damýyna yqpal etpekshimiz. Kompaniia Huawei men Honor planshetteri men smartfondarynyń qaýipsizdik júiesi jáne satylymnan keiingi qyzmet kórsetýlerine arnalǵan jańartýlardy jetkizýdi jalǵastyra beredi», - delingen Huawei Technologies Kazakhstan kompaniiasynyń Feisbýktegi resmi paraqshasynda.
Kompaniia Huawei-diń dúniejúzindegi tutynýshylary úshin qaýipsiz jáne turaqty baǵdarlamalar ázirleýdi jalǵastyra beretinin málimdedi.
Aita keteiik, Google basshylyǵy AQSh-tyń saýda ministrligi qytailyq kompaniiany qara tizimge engizý týraly sheshim qabyldaǵannan keiin Huawei Technologies-pen seriktestikten bas tartqan bolatyn.
Bul, óz kezeginde, Huawei-diń Android operatsiialyq júielerine ený múmkindiginen airylady degendi bildiredi, al smartfondardyń kelesi seriialarynda Google Play Store jáne Gmail qosymshalary bolmaidy.
