Foto: Tengrinews.kz
Halyk Bank óz qarajaty esebinen jappai tártipsizdikter kezinde zardap shekkenderge 3 milliard teńge bólýge sheshim qabyldady, dep habarlaidy Sputnik Qazaqstan.
"Bul qarajat shaǵyn jáne mikro biznes sektorynyń kásipkerlerine kómek retinde, sondai-aq qiraǵan nysandardy tez arada qalpyna keltirýge jáne shuǵyl sheshimdi talap etetin basqa da mindetterge jumsalady", - delingen banktiń resmi habarlamasynda.
Aita keteri, Qazaqstanda jappai tártipsizdikter kezinde zardap shekken bizneske kómek kórsetý maqsatynda "Kúshimiz birlikte" qory qurylǵan bolatyn.
Budan bólek, Memleket basshysy Qasym-Jomart Toqaev "Qazaqstan halqyna" qoryn qurýdy tapsyrdy. Qordyń aqshasy esebinen densaýlyq saqtaý, bilim, áleýmettik qoldaý salasyndaǵy naqty problemalar sheshiledi. Sondai-aq qaza bolǵan politseiler men áskeri qyzmetshilerdiń otbasylaryna kómek beriledi.
