Bilim jáne ǵylym ministri Ashat Aimaǵambetov ǵylymi dáreje qorǵaýshylardan dissertatsiianyń qazaq tilindegi nusqasy nege talap etiletinin túsindirdi, dep habarlaidy QazAqparat.
Bilim jáne ǵylym ministrliginiń aqparat alańynda dissertatsiialyq keńes jumysyndaǵy jańa múmkindikter talqylandy. Saladaǵy tyń ózgerister týraly Bilim jáne ǵylym salasyndaǵy baqylaý komitetiniń tóraiymy Gúlzat Kóbenova aqparat berdi. Al ministr Ashat Aimaǵambetov engizilip jatqan ózgeristerdiń ishinde qazaq tiline qatysty jańa talap bar ekenin jetkizdi.
«Dissertatsiialyq keńes jumysyndaǵy jańa múmkindikter týraly aitsaq, taǵy da bir mańyzdy ózgeris bar. Endi dissertatsiialyr qazaq tilinde de qoljetimdi bolýy kerek. Bizde dissertatsiialar qazaq, aǵylshyn, orys tilderinde qorǵalady. Budan bylai orys jáne aǵylshyn tilinde qorǵalǵan dissertatsiialar qazaq tilinde de qoljetimdi bolýy kerek. Ony dissertatsiialyq keńester jumys istep jatqan tiisti uiymdar qamtamasyz etýi qajet. Óitkeni, bizge qazaq tilinde jazylǵan jańa bilimniń, jańa dissertatsiialardyń qoljetimdi bolǵany óte mańyzdy. Sondyqtan osy mańyzdy sheshimdi qabyldadyq», - dedi vedomstvo basshysy.
Ministr qazirgi epidemiologiialyq jaǵdaidy eskerip, dissertatsiiany onlain rejimde qorǵaý tetikteri de qarastyrylǵanyn atap ótti.
«Jalpy óte úzdik maqalalar jariialap, onysyn dissertatsiialyq keńeske usynǵan adamdarǵa dissertatsiiany jazbai, osy maqalalar arqyly da ǵylymi dárejelerdi qorǵaý múmkindigi jasalyp otyr. Ol úshin dissertatsiialyq keńes tiisti sheshim qabyldaýy kerek. Meniń oiymsha, oń ózgerister kóp. Osy oń ózgeristerge beiimdelýimiz kerek. Árine, biraz máseleler paida bolady. Qorǵaýǵa endi kirisken úmitkerler qai norma boiynsha daiyndalýy kerek degen suraqtar týyndaýy múmkin. Olardyń bárine jaýapty ýaqtyly berip otyrýymyz kerek. Óitkeni 3-4 jyl buryn túsip, PhD-doktorlyǵyn endi ǵana qorǵaýǵa shyǵyp otyrǵan áriptesterimiz bar. Osy máselelerdiń bárin ýaqtyly sheship otyrýlaryńyzdy suraimyn», - dedi Ashat Aimaǵambetov.
