بٸلٸم جەنە عىلىم مينيسترٸ اسحات ايماعامبەتوۆ عىلىمي دەرەجە قورعاۋشىلاردان ديسسەرتاتسييانىڭ قازاق تٸلٸندەگٸ نۇسقاسى نەگە تالاپ ەتٸلەتٸنٸن تٷسٸندٸردٸ, دەپ حابارلايدى قازاقپارات.
بٸلٸم جەنە عىلىم مينيسترلٸگٸنٸڭ اقپارات الاڭىندا ديسسەرتاتسييالىق كەڭەس جۇمىسىنداعى جاڭا مٷمكٸندٸكتەر تالقىلاندى. سالاداعى تىڭ ٶزگەرٸستەر تۋرالى بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶرايىمى گٷلزات كٶبەنوۆا اقپارات بەردٸ. ال مينيستر اسحات ايماعامبەتوۆ ەنگٸزٸلٸپ جاتقان ٶزگەرٸستەردٸڭ ٸشٸندە قازاق تٸلٸنە قاتىستى جاڭا تالاپ بار ەكەنٸن جەتكٸزدٸ.
«ديسسەرتاتسييالىق كەڭەس جۇمىسىنداعى جاڭا مٷمكٸندٸكتەر تۋرالى ايتساق, تاعى دا بٸر ماڭىزدى ٶزگەرٸس بار. ەندٸ ديسسەرتاتسييالىر قازاق تٸلٸندە دە قولجەتٸمدٸ بولۋى كەرەك. بٸزدە ديسسەرتاتسييالار قازاق, اعىلشىن, ورىس تٸلدەرٸندە قورعالادى. بۇدان بىلاي ورىس جەنە اعىلشىن تٸلٸندە قورعالعان ديسسەرتاتسييالار قازاق تٸلٸندە دە قولجەتٸمدٸ بولۋى كەرەك. ونى ديسسەرتاتسييالىق كەڭەستەر جۇمىس ٸستەپ جاتقان تيٸستٸ ۇيىمدار قامتاماسىز ەتۋٸ قاجەت. ٶيتكەنٸ, بٸزگە قازاق تٸلٸندە جازىلعان جاڭا بٸلٸمنٸڭ, جاڭا ديسسەرتاتسييالاردىڭ قولجەتٸمدٸ بولعانى ٶتە ماڭىزدى. سوندىقتان وسى ماڭىزدى شەشٸمدٸ قابىلدادىق», - دەدٸ ۆەدومستۆو باسشىسى.
مينيستر قازٸرگٸ ەپيدەميولوگييالىق جاعدايدى ەسكەرٸپ, ديسسەرتاتسييانى ونلاين رەجيمدە قورعاۋ تەتٸكتەرٸ دە قاراستىرىلعانىن اتاپ ٶتتٸ.
«جالپى ٶتە ٷزدٸك ماقالالار جارييالاپ, ونىسىن ديسسەرتاتسييالىق كەڭەسكە ۇسىنعان ادامدارعا ديسسەرتاتسييانى جازباي, وسى ماقالالار ارقىلى دا عىلىمي دەرەجەلەردٸ قورعاۋ مٷمكٸندٸگٸ جاسالىپ وتىر. ول ٷشٸن ديسسەرتاتسييالىق كەڭەس تيٸستٸ شەشٸم قابىلداۋى كەرەك. مەنٸڭ ويىمشا, وڭ ٶزگەرٸستەر كٶپ. وسى وڭ ٶزگەرٸستەرگە بەيٸمدەلۋٸمٸز كەرەك. ەرينە, بٸراز مەسەلەلەر پايدا بولادى. قورعاۋعا ەندٸ كٸرٸسكەن ٷمٸتكەرلەر قاي نورما بويىنشا دايىندالۋى كەرەك دەگەن سۇراقتار تۋىنداۋى مٷمكٸن. ولاردىڭ بەرٸنە جاۋاپتى ۋاقتىلى بەرٸپ وتىرۋىمىز كەرەك. ٶيتكەنٸ 3-4 جىل بۇرىن تٷسٸپ, PhD-دوكتورلىعىن ەندٸ عانا قورعاۋعا شىعىپ وتىرعان ەرٸپتەستەرٸمٸز بار. وسى مەسەلەلەردٸڭ بەرٸن ۋاقتىلى شەشٸپ وتىرۋلارىڭىزدى سۇرايمىن», - دەدٸ اسحات ايماعامبەتوۆ.
