Memlekettik hatshy Qyrymbek Kósherbaev Qazaqstan Respýblikasynyń ǵylym men tehnika salasyndaǵy memlekettik syilyǵyn berý jónindegi komissiianyń otyrysyn ótkizdi, dep habarlaidy Aqorda.
QR Memlekettik hatshysy Qyrymbek Kósherbaevtyń tóraǵalyǵymen 2021 jylǵy Qazaqstan Respýblikasynyń ál-Farabi atyndaǵy ǵylym men tehnika salasyndaǵy memlekettik syilyǵyn berý jónindegi komissiianyń otyrysy ótti.
Komissiia syilyqqa usynylǵan 16 jumysty qarap, memlekettik ǵylymi-tehnikalyq saraptamanyń nátijelerimen, sondai-aq, meditsina jáne biologiia ǵylymdary, jaratylystaný ǵylymdary, tehnika ǵylymdary, gýmanitarlyq ǵylymdar, aýyl sharýashylyǵy ǵylymdary boiynsha bes sektsiianyń saraptamalyq-taldamalyq usynystarymen tanysty.
Komissiia otyrysynyń qorytyndysy boiynsha 2021 jylǵy Qazaqstan Respýblikasynyń ál-Farabi atyndaǵy ǵylym men tehnika salasyndaǵy memlekettik syilyǵyn alý úshin usynylǵan jáne aldyn ala irikteýden ótken jumystardyń tizimi bekitildi. Tizim buqaralyq aqparat quraldarynda jariialanady.
