Gvineianyń ońtústik-shyǵysyndaǵy Nzerekore prefektýrasy men Gýeke aýdanynda Ebola epidemiiasy bastaldy, dep habarlaidy Euronews agenttigi.
Eldiń Densaýlyq saqtaý ministri tóraǵalyq etken otyrys barysynda bezgektiń taralýymen kúresý úshin birqatar is-shara qabyldandy. Onda syrqattardy anyqtap, olarmen bailanysta bolǵandardyń barlyǵyn oqshaýlaý keregi aityldy.
Sanitariia qaýipsizdigi agenttiginiń basshysy Sakoba Keittiń aitýynsha, Ebola virýsyn juqtyrǵan jeti oqiǵa tirkeldi. Olar – tórt er adam men úsh áiel. Úsh adam óldi. Úsheýi oqshaýlandy. Bir naýqas Kanakride, ekeýi Nzerekorede jatyr.
Gvineianyń sanitariia ókilderi Ebola bezgegi alǵash Gýeke qalasynda medbikeden anyqtalǵanyn málimdedi, ol 28 qańtar kúni qaitys boldy. Áiel birinshi aqpanda jerlendi.
«Qoshtasý rásiminen keiin birneshe kún ótken soń birneshe adamda syrqattyń belgileri baiqalǵan, iaǵni, ish ótý, qusý, qan ketý jáne ystyǵy kóterilý. Virýstyń bar-joǵyn anyqtaýǵa tapsyrylǵan test nátijesi alǵash 12 aqpanda rastaldy», - dedi Sakoba Keit.
Dúniejúzilik densaýlyq saqtaý uiymy Gvineiaǵa kómek kórsetý úshin bar kúsh jumyldyratynyn málimdedi.
2014-2016 jyldary Gvineia Batys Afrikadaǵy Ebola virýsynyń taralý oshaǵyna ainaldy. Sol kezde bul óńirde indetke 28 myń adam shaldyǵyp, 11 myń adam qaitys bolǵan edi.
