Túrkiia prezidenti Erdoǵan men onyń áieli Emine Erdoǵan jáne Túrkimenstan prezidenti Gýrbangýly Berdimuhamedov pen onyń áieli Ogýlgerek Berdimuhamedova.
Túrkiia mediasy Túrkimenstan prezidenti Gýrbangýly Berdimuhamedovtiń áieli Ogýlgerek Berdimuhamedovanyń fotosyn jariialady. Onyń fotosy buǵan deiin BAQ betterinde jariialanbaǵan edi. Sýretti alǵashqylardyń biri bolyp SonDakika saity shyǵardy, dep habarlaidy Azattyq.
Berdimuhamedov pen Túrkiia prezidenti Rejep Taiyp Erdoǵan áielderimen fotoǵa 27 qarashada Ashhabattaǵy bankette túsken. Erdoǵan Ekonomikalyq yntymaqtastyq uiymynyń sammitine qatysý úshin Túrkimenstanǵa eki kúndik saparmen kelgen edi.
Eldiń resmi basylymdary Ogýlgerek Berdimuhamedovanyń fotosyn jariialamaidy. Ádette Gýrbangýly Berdymuhamedov telearnada jáne gazet betterinde ózi ǵana shyǵatyn. Otbasylyq fotolarda Berdimuhamedovtiń uly, qyzdary jáne nemereleri bolatyn.
Azattyqtyń Túrkimen qyzmeti Ogýlgerek Berdimuhamedova jaily derekter, jasy, qyzmeti jaily derek joǵyn atap ótken. Gýrbangýly Berdimuhamedov sheteldik saparlarǵa áielin aparmaidy.
Túrkimenstandy 21 jyl basqarǵan Saparmurat Niiazov ómirden ótken soń – 2007 jyly prezidenttikke Gýrbangýly Berdimuhamedov kelgen edi. Sodan beri ol Túrkimenstandy basqaryp keledi. Onyń "Arqadaǵ" titýly ("jebeýshi") bar. Eldegi sailaý komissiiasy Berdimuhamedov 2012 jáne 2017 jylǵy sailaýda 97,14% jáne 97,69% daýys jinady dep málimdegen.
Ol bilik qurǵaly Túrkimenstan ekonomikasy quldyrap, elde kúndelikti qajetti azyq-túlik tapshy.
