Istochnik foto: kavkazplus.com
Antikorrýptsiialyq qyzmet Gúlmira Satybaldyǵa qatysty kásiporyndardyń qatysý úlesterin zańsyz iemdený, sonyń ishinde adam urlaýmen ushtasqan eki derek boiynsha tergeýdi aiaqtady, - dep habarlaidy "Ult aqparat" Sybailas jemqorlyqqa qarsy is-qimyl Agenttiginiń baspasóz qyzmetine silteme jasap.
Antikor málimetinshe, jábirlenýshige keltirilgen zalal somasy 6,6 milliard teńgeden asady.
"Biyl 15 jeltoqsanda qylmystyq is aiyptaý aktisimen birge prokýratýraǵa kúdiktilerdi sotqa berý týraly máseleni sheshý úshin jiberildi. Gúlmira Satybaldy, onyń baqylaýyndaǵy "Ariia-Jańa Astana" JShS kompaniiasynyń basshylyǵy jáne memlekettik organdardyń laýazymdy tulǵalary nysandardy salýǵa bólingen biýdjet qarajatyn urlady dep kúdikteledi", - delingen habarlamada.
Tergeý satysynda memleketke keltirilgen zalal tolyǵymen ótelgeni aityldy.
"Osy fakt boiynsha da sotaldy tergeý aiaqtalyp, is kúdiktiler men olardyń advokattaryna tanysýǵa berildi. Satybaldyǵa qatysty biznesti basyp alýdyń jáne zańsyz bas bostandyǵynan aiyrýdyń basqa epizodtary boiynsha tergeý jalǵasyp jatyr", - delingen Antikor habarlamasynda.
Eske salaiyq, buǵan deiin Gúlmira Satybaldy asa iri kólemde biýdjet qarajatyn jymqyrdy degen kúdikke ilingeni habarlanǵan bolatyn. Al 17 naýryzda ustalǵany belgili boldy.
18 naýryzda Sybailas jemqorlyqqa qarsy qyzmet Qairat Satybaldyulyna, onyń burynǵy jubaiy Gúlmira Satybaldyǵa jáne basqa da tulǵalarǵa qatysty biznesti reiderlik basyp alý deregi boiynsha sotaldy tergeýdi bastaǵany týraly habarlandy.
