Qairat Satybaldyulynyń burynǵy jubaiy Gúlmira Satybaldy 2 aiǵa qamaýǵa alyndy, - dep habarlaidy "Ult aqparat" Nur-Sultan qalasy sotynyń baspasóz qyzmetine silteme jasap.
"2022 jylǵy 18 naýryzda Nur-Sultan qalasynyń mamandandyrylǵan aýdanaralyq tergeý soty kúdikti G.K. Satybaldyǵa qatysty 2 ai merzimge kúzetpen ustaý túrindegi bultartpaý sharasyn sanktsiialady", - delingen habarlamada.
Sotqa deiingi tergep-tekserý boiynsha basqa da derekter QIJK-niń 201-babyna sáikes jariialanbaityny aityldy.
Eske salaiyq, buǵan deiin Qairat Satybaldyulynyń burynǵy jubaiy Gúlmira Satybaldyǵa qatysty biznesti reiderlik basyp alý deregi boiynsha sotqa deiingi tergeý bastalǵany habarlanǵan edi.
Sybailas jemqorlyqqa qarsy qyzmettiń málimetinshe, agenttik Qairat Satybaldyulyna, onyń burynǵy jubaiy Gúlmira Satybaldyǵa jáne basqa da tulǵalarǵa qatysty biznesti reiderlik basyp alý faktisi boiynsha sotqa deiingi tergeýdi bastaǵan.
Oǵan deiin elorda soty Qairat Satybaldyulyn qamaýda ustaýǵa qatysty sheshim qabyldaǵan bolatyn.
«2022 jylǵy 15 naýryzda Nur-Sultan qalasynyń mamandandyrylǵan aýdanaralyq tergeý soty kúdikti Q.Satybaldyulyna qatysty 2 ai merzimge kúzetpen ustaý túrindegi bultartpaý sharasyn sanktsiialady», - delingen taratylǵan málimette.
