Memleket basshysy Nursultan Nazarbaevtyń búgingi Joldaýynda el ómirindegi ózekti máseleler qamtyldy. Atap aitqanda, bilim, ǵylym, densaýlyq saqtaý salalarynyń qyzmet kórsetý sapasyn jaqsartý, kásibi bilikti mamandarmen qamtamasyz etý mindetterine nazar aýdaryldy. Oblystyq «Rýhani jańǵyrý» ortalyǵynyń bólim basshysy, filologiia ǵylymdarynyń kandidaty Gúlmira Áshirbekovanyń aitýynsha, endigi kezekte sannan sapaǵa, sózden iske kóshetin ýaqyt keldi.
«Elbasy Nursultan Nazarbaevtyń Qazaqstan halqyna dástúrli Joldaýy buǵan deiingi memlekettik baǵdarlamalardy odan ári damytýdy kózdeidi. Osy ýaqytqa deiin júzege asyrylǵan «Nurly jol», «Nurly jer», «Jol kartasy-2020», «Rýhani jańǵyrý», «Prezidenttiń bes áleýmettik bastamasy» jáne t.b. memlekettik baǵdarlamalar az ýaqyttyń ishinde óz nátijesin berdi. Endigi mindet - tabysty elge ainalý», - dedi G.Áshirbekova.
Sondai-aq, ol mektepke deiingi bilim berý, orta bilimniń sapasyn jaqsartý, JOO bitirýshileriniń jumysqa ornalasýyna bailanysty kórsetkishterdi aiqyndaý naqty nátijege jetýge múmkindik beretinin tilge tiek etti.
«Kásipkerlikti qoldaý, agrarlyq sektor men jeńil ónerkásipti jetildirý memlekettiń básekege qabiletin arttyrady. Elimizde júzege asyrylyp jatqan reformalar men strategiialyq qujattardyń oryndalý barysy men nátijesine Ulttyq jańǵyrý ofisi monitoring jasap otyrady. Sannan sapaǵa, sózden iske kóshetin ýaqyt keldi. Bir sózben aitqanda, memlekettik qyzmetkerden bastap árbir azamat eldiń damýyna sapaly qyzmet kórsetse, naǵyz tabysty memleketke ainalarymyz sózsiz», - dedi ol.
.jpeg)