Qazaqkontsert «Gulder» ansambliniń repertýary negizinde qazaq biiniń damý úrdisteri» atty sheberlik saǵatyn ótkizdi.
Sheberlik saǵaty baǵdarlamasynda ansambldiń negizgi qoiylymdary («Bipyl», «Dala áýeni», «Hafiz», «Er Turan» jáne basqa da shyǵarmalar) usynyldy.
Atalǵan qoiylymdar ulttyq bidiń evoliýtsiiasyndaǵy basty baǵyttardy — horeografiialyq murany uqypty saqtaýdan bastap, batyl zamanaýi interpretatsiialarǵa deiingi damý úrdisin aiqyndaidy.
Árbir kompozitsiia keńeitilgen teoriialyq túsindirmemen, praktikalyq kórsetilimmen jáne bidiń ideiasyna, horeografiialyq leksikasyna, kompozitsiialyq qurylymyna ári sahnalyq kostiýmine arnalǵan.
Qatysýshylar qoiylymdardy tamashalap qana qoimai, ansambldiń kásibi shyǵarmashylyq zerthanasyna ene otyryp, jekelegen horeografiialyq bailanystar men kompozitsiialyq qurylymdardy tájiribe júzinde meńgerý múmkindigine ie boldy.
Alǵash ret kópshilik nazaryna «Gulder» ansambliniń horeografiialyq qoiylymdaryna arnalǵan keshendi teoriialyq jáne praktikalyq taldaý usynyldy. Bul bastama ansambldiń shyǵarmashylyq qyzmetin keńinen tanytýǵa, sondai-aq, qazaq biiniń dástúrli muradan zamanaýi kórkemdik izdenisterge deiingi damý úderisi týraly tanymdy tereńdetýge yqpal etedi.
