Grýziianyń Rýstavi qalasynda Qazaqstannyń Qurmetti konsýldyǵy ashyldy. Ol Kvemo-Kartli jáne Mtsheta-Mtianeti konsýldyq okrýgterin qamtidy, dep habarlaidy "Ult aqparat".
QR Syrtqy ister ministrliginen málim etilgendei, saltanatty is-sharaǵa Qazaqstan Elshisi Baýyrjan Muhametjanov, Grýziia Syrtqy ister ministriniń orynbasary Aleksandr Hvtisiashvili, Kvemo-Kartli óńiriniń gýbernatory Shota Rehviashvili, Rýstavi qalasynyń meri Iraklii Tabagýa, sondai-aq jergilikti qoǵamdyq-saiasi jáne iskerlik toptardyń ókilderi qatysty.
B. Muhametjanov Grýziianyń qyzyqty ekonomikalyq, mádeni, týristik aimaqtarynyń birinde Qazaqstannyń Qurmetti konsýldyǵynyń ashylýy eki eldiń dástúrli dostyq pen ózara senim rýhyndaǵy yntymaqtastyǵynyń damýyn aiǵaqtaitynyn atap ótti. Táýelsizdik jyldary ishinde eki memleket qarym-qatynastardyń qalyptasý kezeńinen sátti ótip, ýaǵdalastyqtardy naqty mazmunmen jáne ózara is-qimyldyń jańa baǵyttaryn izdestirýmen tolyqtyra otyryp, jańa sapaly deńgeige shyqty.
Rýstavi qalasyndaǵy Qazaqstannyń Qurmetti konsýly Georgii Djahýtashvili óz sózinde jańa keńse eki el arasyndaǵy ekonomikalyq, mádeni, sporttyq, bilim berý bailanystaryn damytýǵa tolyq kómek kórsetetinine sendirdi. Onyń aitýynsha, elimizdiń azamattary men zańdy tulǵalary óz quqyqtary men múddelerin qorǵaýda, sondai-aq qiyn jaǵdailarǵa túsken kezde, ásirese oryn alyp jatqan COVID-19 pandemiiasy men karantindik shekteýler kezinde kómek ala alady.
Qurmetti konsýldyq qazirgi Qazaqstanǵa qyzyǵýshylyq tanytqan grýzin azamattary úshin jańa aqparattyq ortalyqqa ainalýy tiis.
