گرۋزييانىڭ رۋستاۆي قالاسىندا قازاقستاننىڭ قۇرمەتتٸ كونسۋلدىعى اشىلدى. ول كۆەمو-كارتلي جەنە متسحەتا-متيانەتي كونسۋلدىق وكرۋگتەرٸن قامتيدى, دەپ حابارلايدى "ۇلت اقپارات".
قر سىرتقى ٸستەر مينيسترلٸگٸنەن مەلٸم ەتٸلگەندەي, سالتاناتتى ٸس-شاراعا قازاقستان ەلشٸسٸ باۋىرجان مۇحامەتجانوۆ, گرۋزييا سىرتقى ٸستەر مينيسترٸنٸڭ ورىنباسارى الەكساندر حۆتيسياشۆيلي, كۆەمو-كارتلي ٶڭٸرٸنٸڭ گۋبەرناتورى شوتا رەحۆياشۆيلي, رۋستاۆي قالاسىنىڭ مەرٸ يراكليي تاباگۋا, سونداي-اق جەرگٸلٸكتٸ قوعامدىق-ساياسي جەنە ٸسكەرلٸك توپتاردىڭ ٶكٸلدەرٸ قاتىستى.
ب. مۇحامەتجانوۆ گرۋزييانىڭ قىزىقتى ەكونوميكالىق, مەدەني, تۋريستٸك ايماقتارىنىڭ بٸرٸندە قازاقستاننىڭ قۇرمەتتٸ كونسۋلدىعىنىڭ اشىلۋى ەكٸ ەلدٸڭ دەستٷرلٸ دوستىق پەن ٶزارا سەنٸم رۋحىنداعى ىنتىماقتاستىعىنىڭ دامۋىن ايعاقتايتىنىن اتاپ ٶتتٸ. تەۋەلسٸزدٸك جىلدارى ٸشٸندە ەكٸ مەملەكەت قارىم-قاتىناستاردىڭ قالىپتاسۋ كەزەڭٸنەن سەتتٸ ٶتٸپ, ۋاعدالاستىقتاردى ناقتى مازمۇنمەن جەنە ٶزارا ٸس-قيمىلدىڭ جاڭا باعىتتارىن ٸزدەستٸرۋمەن تولىقتىرا وتىرىپ, جاڭا ساپالى دەڭگەيگە شىقتى.
رۋستاۆي قالاسىنداعى قازاقستاننىڭ قۇرمەتتٸ كونسۋلى گەورگيي دجاحۋتاشۆيلي ٶز سٶزٸندە جاڭا كەڭسە ەكٸ ەل اراسىنداعى ەكونوميكالىق, مەدەني, سپورتتىق, بٸلٸم بەرۋ بايلانىستارىن دامىتۋعا تولىق كٶمەك كٶرسەتەتٸنٸنە سەندٸردٸ. ونىڭ ايتۋىنشا, ەلٸمٸزدٸڭ ازاماتتارى مەن زاڭدى تۇلعالارى ٶز قۇقىقتارى مەن مٷددەلەرٸن قورعاۋدا, سونداي-اق قيىن جاعدايلارعا تٷسكەن كەزدە, ەسٸرەسە ورىن الىپ جاتقان COVID-19 پاندەميياسى مەن كارانتيندٸك شەكتەۋلەر كەزٸندە كٶمەك الا الادى.
قۇرمەتتٸ كونسۋلدىق قازٸرگٸ قازاقستانعا قىزىعۋشىلىق تانىتقان گرۋزين ازاماتتارى ٷشٸن جاڭا اقپاراتتىق ورتالىققا اينالۋى تيٸس.
