Tbilisi qalalyq soty Grýziianyń eks-prezidenti Mihail Saakashvilige qatysty sot úkimin shyǵardy, - dep habarlaidy Grýziia Online.
Tbilisi qalalyq sotynyń sýdiasy Georgii Arevadze Grýziianyń eks-prezidentine qatysty úkimdi oqydy. Sýdia Saakashvilidi aiypty dep tanyp, ony 3 jylǵa bas bostandyǵynan aiyrý týraly sheshim shyǵardy.
Mihail Saakashvilige qyzmettik ókilettigini asyra paidalandy degen aiyp taǵyldy.
Aita keteiik, Saakashvili Grýziiadan 2013 jyly ketken bolatyn. Qazirgi ýaqytta ol Ýkrainada.
Osyǵan deiin Kievte Saakashvilidiń ustalǵany jaily habarlanǵan edi. BAQ málimetinshe, saiasatkerdi páterinen alyp ketken. Tańǵy ýaqytta Saakashvilidiń úiinde tintý júrgizilgen. Budan keiin ol segiz qabatty úidiń shatyryna shyǵyp alyp, "bireý-mireýdiń qoly tise sekirip ketetinin" málimdegen bolatyn.
