sýret ashyq derekkózden alyndy
Almatyda Grýziianyń 24 azamatynan turatyn alaiaqtar toby ustaldy. Bul týraly IIM Kriminaldyq politsiia departamenti Kiberqylmysqa qarsy kúres ortalyǵynyń bastyǵy Jandos Súiinbai aitty, dep habarlaidy QazAqparat.
«Internet-alaiaqtyq qylmystaryn anyqtaýǵa jáne ashýǵa, sondai-aq uiymdastyrýshylar men qatysýshylardy ustaýǵa baǵyttalǵan is-sharalar keshenin iske asyryp jatyrmyz. Mysaly, Almaty qalasynda kiberqylmysqa qarsy kúres bóliminiń qyzmetkerleri jedel-izdestirý is-sharalaryn júrgizý barysynda internet-alaiaqtardyń koll-ortalyǵyn anyqtady. Júrgizilgen operatsiia barysynda Grýziia Respýblikasynyń 24 azamatynan turatyn top ustaldy», - dedi ortalyq bastyǵy ministrliktiń baspasóz qyzmeti alańynda ótken brifingte.
Sonymen qatar ol Astana qalasynda kiberqylmyspen kúres bóliminiń qyzmetkerleri birqatar internet-alaiaqtyq jasaǵan Ekibastuz qalasynyń týmasy ustady. Ol Instagram áleýmettik jelisinde tómen baǵamen ton satý týraly habarlandyrý jariialaǵan. Kúdiktiniń 26 qylmysqa qatysy anyqtaldy. Keltirgen jalpy shyǵyny - 4,2 mln teńge. Al Shymkentte politsiia qyzmetkerleri internet-alaiaqtyq jasaǵan topty ustady.
«Atalǵan adamdar Health Time farmatsevtikalyq kompaniianyń klienttik bazasyn urlap, olardyń klientterine qońyraý shalyp, avtokólik utqany týraly habarlaǵan. Azamattarǵa «1H bet» býkmekerlik kompaniiasynyń shottaryna aýdarylǵan salyqtardy tóleý usynylǵan. Qazirgi ýaqytta 20 jábirlenýshi anyqtaldy. Alaiaqtardyń basqa qurbandaryn anyqtaý jumystary júrgizilýde. Atalǵan faktiler boiynsha tergeý júrgizilip jatyr», - dedi Jandos Súiinbai.
